AUMENTA O FURTIVISMO. AUTOBOMBO DESDE A XUNTA

O director xeral de Emerxencias e Interior, Santiago Villanueva, compareceu esta mañá no Parlamento onde deu conta dos datos do operativo de loita contra o furtivismo e o marisqueo ilegal no que colaboran o equipo especializado da Policía Autonómica (Erpol) e o servizo de Gardacostas da Xunta. 

A comparecencia foi máis ven un acto de propaganda, tralo escoitado.  "O bo traballo da Xunta coa colaboración dos corpos de seguridade......"
Si a Xunta tivese feito mellor o seu traballo a xente non tería que mariscar de maneira furtiva. Desta vez a culpa non foi nin de Zapatero nin do bipartito.

Ao longo de pasado ano despregáronse un total de 259 operativos de control do marisqueo en toda a costa galega -case un 50 por cento máis con respecto a 2012-, co fin de impedir as actividades relacionadas co furtivismo, tanto no que se refire á extracción do marisco como á venda e distribución ilegal do mesmo. Nestas operacións foron comisados uns 14.000 quilos de marisco, mil máis que en 2012.
O director xeral recordou que estas actuacións enmárcanse dentro da activa colaboración que a Policía Autonómica vén desenvolvendo con distintos departamentos da Consellería do Medio Rural e do Mar, sobre todo no que atinxe á loita contra o furtivismo e marisqueo ilegal.

Ademais do marisco comisado, os axentes policiais realizaron más de 800 incautacións de material, entre os que destacan útiles de faena como anzois, palangres, lanternas, restrelos, sachos e caldeiros entre outros, así como traxes de neopreno, pranchas de poliexpán, nasas e mesmo un total de 24 embarcacións e vehículos.
No que atinxe ás persoas involucradas, Villanueva destacou que o grupo de axentes de elite de loita contra o furtivismo identificaron ao longo do ano pasado a máis de 2.700 persoas, tramitaron case 1.600 denuncias e abriron dilixencias policiais en 16 casos. Así mesmo, o número de detidos e imputados ascendeu a 76 persoas; un 230 por cento máis que en 2012, cando se imputaron 23 persoas.