RAPACES DE CAMBADOS FINALISTAS NOS XIV PREMIOS MURALLA DE LUGO

Foi máis difícil que nunca. De feito, o xurado tardou en decidirse polos traballos gañadores. A gran cantidade de obras presentadas aos XIV Premios Muralla (3.005 debuxos e 494 redaccións) e a calidade das mesmas contribuíron o seu. Antes de acordar os nomes dos gañadores, os traballos -expostos xa no Pazo de Feiras e Congresos- foron revisados meticulosamente polos membros do xurado, este ano formado polo alcalde, José López Orozco; o delegado de Cultura da Deputación, Mario Outeiro; o vicerreitor do campus en funcións, Pedro García Herradón; a xefa de coordinación de Cultura, na delegación da Xunta de Lugo, Yolanda Gómez González, e a presidenta do grupo El Progreso, Blanca García Montenegro.

Tras preto dunha hora de percorrido e media máis de deliberación, o xurado acordou dar o primeiro premio, na categoría de redacción, a Aroa Lombardía Freire, de 10 anos e de Lugo, que se presentou de forma individual. En debuxo, o premiado foi, en cambio, un neno de Ourense, Alberto Ferro Vázquez, que cursa quinto de Primaria no colexio María Auxiliadora-Salesianos.

Os finalistas, en redacción, foron: Iria Salgado Negral. do Ceip Eloísa Rivadulla (Chantada); un traballo conxunto presentado polos alumnos de L-emos, un taller de lectura da biblioteca municipal de Cambados (Pontevedra), e Aida Fernández González, do colexio Divina Pastora-Salesianos, xunto con Carlos Cerdeira Teijeira, do colexio María Auxiliadora, e Anthea Calvo Pérez, de Lugo.

Noraboa!!!