OS GALEGOS ESTAMOS DESEXANDO A CALOR

Onte foi o segundo día consecutivo en que os termómetros pasaron dos 30 graos, sobre todo na metade sur de Galicia. Leiro rexistrou a máxima de todo o país. Pasou dos 33 graos, unha temperatura á que tamén chegaron en Ourense. Pero as Rías Baixas tampouco quedaron atrás. En Arbo houbo unha máxima de 32 e na costa, en Cambados aos 30. En Vilagarcía tamén marcaron ese rexistro.

Hai que aguantar a calor porque tampouco estamos moi afeitos. Xa van dous días batendo marcas en temperaturas e os corpos non se dan apañado, polo menos os do interior. E é que o inverno foi moi longo.

"Se te pós á sombra dáche o fresco, pero ao sol...mimadriña". 

As praias, como en Vigo. Samil que volveu encherse. Ou os rios nas zonas do interior. A primavera, con estas temperaturas, un chisco máis baixas que onte, anima ao baño. E é que estes días estase mellor preto do mar. Coma sempre, contra o norte houbo máis fresco, pero iso non impediu que Riazor, outra vez, se enchera.
"Xa o luns posiblemente empece a chover e acabouse".

E hai que aproveitar porque mañán (por hoxe) luns acábase esta calor,  din os meteorólogos, que son os que saben. Decían os bañistas.