DERROTA DO CAMBADOS NA FESTA DA BASE

O Cambados non pudo rematar da mellor maneira tempada. Unha derrota diante dos rapaces da base que acudiron a Burgáns a presentarse diante da afección local.Con todo, a derrota ante o Cruceiro do Hío non empaña o bo curso dos de Neno Millán.

Empezaron adiantándose os locais cun dobre remate de Rubén, pero os erros cederon o dominio aos visitantes. O partido fíxoselle longo aos cambadeses, tanto que ata Iván acabou baixo paus trala expulsión de Vivar.

Ao término do choque a atención centrouse na grada Un home, duns 80 anos de idade, tropezou cun asento e caeuse sobre o bordillo de cemento da grada. Afortunadamente, no lugar dos feitos había dúas sanitarias do 061 (nais de nenos da base) que lle realizaron os primeiros auxilios e estiveron con el ata a chegada da ambulancia.

Parte dos máis de 150 rapaces da base celebraron a permanencia do Cambados conseguida hai tres xornadas de forma virtual e duas de forma matemática a pesares dos cronistas oficiais que subíndose ao carro dos dictados dos seus xefes so ven e van a "disfrutar" doutros eventos e fan as crónicas de oídas.

Nas fotos do lado podedes ver desde os biberóns ata os infantís que forman como decimos parte da canteira do Cambados e que agardemos que nuns anos formen parte do primeiro equipo. Mimbres hai.

         AÚPA CAMBADOS!!!!!!!!!!!!