A Universidade de Santiago, o Concello de Cambados e tres importantes adegas do Salnés únense para conectar os seus viños con algúns dos talentos máis senlleiros da zona: Valle-Inclán, Cabanillas, Camba e Cunqueiro.
Catro dos talentos máis importantes do Salnés revivirán en Cambados ao lado dunha copa de viño.
Os días 6, 13 e 20 de xuño, o Parador de Cambados acollerá tres xornadas que fan unha proposta máis que interesante. Nestas xornadas facerase un repaso da obra de Valle-Inclán e Cabanillas, regado con viños de Condes de Albarei e Pazo Baión.
Os caldos do Pazo de Fefiñáns serán os que acompañen a xornada dedicada a Julio Camba, mentres que os de Martín Códax farán o propio con Cunqueiro.
As tres sesións son totalmente gratuítas, e contan cun aforo de 50 persoas. Para asistir, é imprescindible inscribirse previamente na Oficina de Turismo de Cambados.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.