LOUZÁN O PERFECTO ANFITRIÓN

Técnicos da Unión Europea visitan hoxe O Salnés e Pontevedra para valora-la posibilidade de celebrar nesta zona o Concurso Mundial do Viño de Bruxelas, un dos campionatos de viño máis importantes do mundo, creado en 1994.

A delegación de técnicos desprazarase a Pontevedra para analizar e comproba-las infraestruturas, adegas e estruturas vinícolas da provincia. Na súa visita, organizada pola Deputación de Pontevedra, percorrerán entre hoxe e mañá adegas como a do Pazo Baión, a do Pazo de Fefiñáns, o Consello Regulador da Denominación de Orixe Rías Baixas e tamén a Praza de Abastos da cidade.

O Concurso Mundial do Viño de Bruxelas celebrouse por vez primeira na cidade de Bruxas en 1994. Dende aquela pasou por cidades europeas como Lisboa, Bordeos, Luxemburgo, Guimaraes e Bratislava.

Rafael Louzán recibe, as 14:00  aos organizadores da XXI Edición do Concurso Mundial de Bruxelas 2015 con motivo da presentación da candidatura da Deputación para ser a institución anfitrioa do evento.