PRESENTADA EN CAMBADOS A VII REGATA ILLAS ATLÁNTICAS

O Pazo de Fefiñáns, en Cambados, foi onte o lugar elixido pola directiva do Club Náutico de San Vicente para a presentación oficial da VII Regata Illas Atlánticas-Rede Eléctrica de España. Trofeo Mercdess Benz, que se celebrará o próximo mes de agosto, convertida xa na gran cita do calendario de actividades marítimas e de lecer programadas pola entidade.

Este ano, ademais, co patrocinio da Rede Eléctrica Española, polo que parte da directiva da compañía, co seu presidente, José Folgado, á cabeza, viaxou a Galicia para asistir á presentación, na que tamén se deron cita representantes doutras firmas colaboradoras como O Corte Inglés, Frinsa ou Louzao.

E si onte o principal tema do encontro, ao que asistiron diversas autoridades, foi o programa da regata e o seu significado, a axenda de hoxe estará marcada pola cerimonia de entrega da Medalla de Ouro da Orde de Cabaleiros e Damas do Camiño ao presidente de REE.