A Deputación de Pontevedra vén de editar unha obra na que se
recompilan diversos materiais e documentación sobre os pazos galegos,
froito dun longo traballo comezado en 1840 polo autor da obra, Miguel
Durán-Loriga y Salgado.
Baixo o título Pazos Gallegos. Materiales para su estudio,
a obra será presentada o vindeiro 18 de marzo no Sexto Edificio do
Museo, nun acto no que está previsto que participe o presidente da
Deputación, Rafael Louzán, o director do Museo, Carlos Valle, e o fillo
do autor, Juan Durán-Loriga Rodrigáñez, diplomático e embaixador de
España en distintos paises.
Este traballo fora impulsado polo doutor López Suárez, Xan de Forcados, quen tivo a iniciativa de publicar un libro definitivo sobre os pazos e casas señoriais de Galicia.
Recrutou para iso o seu vello amigo Miguel Durán-Loriga e Salgado,
autor do pavillón de Galicia na exposición de Sevilla inspirado no pazo
lucense do Corgo, e para colaborar con el e abordar a vertente histórica
e xenealóxica da obra contaron con Antonio Taboada Roca.
Durante cinco veráns, entre 1945 e 1949, Miguel Durán-Loriga, acompañado
por Antonio Taboada Roca, percorreu gran parte de Galicia para estudar
directamente os complexos pacegos. Froito deste traballo tomaron
multitude de notas e realizaron fotografías, debuxos e planos.
O
falecemento de Miguel Durán-Loriga, na primavera de 1950, deixou
inconclusa a tarefa e toda esta documentación sería entregada polos seus
fillos Juan e Miguel ao Museo de Pontevedra en agosto de 1981,
engrosando os seus fondos documentais e servindo desta forma a moitos
investigadores.
Agora o traballo realizado recóllese neste libro
que ten unha utilidade incuestionable para o estudo da arquitectura e a
cultura dos pazos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.