Nunha nota informan do penoso estado desta rúa na que casualmente vive un blogger i exconcelleiro moi crítico co governo local e a líder do grupo socialista.
O estado do asfalto da rúa
Sevilla atópase nun estado lamentable desde hai moito tempo. A pesares
de ser unha rúa moi transitada tanto no verán como no inverno, nunca
desde o Concello se tivo consideración desta rúa para nada: é unha
rúa de dirección única sen aceras,con aparcamentos ós dous lados
e con varios negocios. Por determinados tramos desta rúa é imposible
pasar se veñen coches e hai algúns aparcados, polo que os veciños
estamos acostumados a meternos en recunchos cando levamos carriños
de bebé ou da compra e ven algún coche circulando.
Por se eso non fose bastante,
o asfalto está cheo de socavóns. Agora hai unha prancha metálica
no medio da estrada para tapar un deles e para que non ocasione ruido
ten un pedazo de moqueta debaixo.
Somos uns privilexiados porque
podemos dicir que a nosa rúa está enmoquetada…
Precisamente ésta é unha das
rúas que só se parcha provisionalmente cando hai eleccións á vista,
non sabemos se é porque viven nela unha concelleira e un exconcelleiro
da oposición, e por iso se castiga a tódolos veciños desta rúa,
ou porque aínda falta un ano para as municipais…
Gustaríalle recordarlle ó governo
deste Concello, que todos os veciños, incluso os concelleiros e exconcelleiros
da oposición pagamos os nosos impostos tódolos meses e o resto dos
veciños non teñen que sufrir represalias por compartir a rúa con
ninguén.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.