O CONCELLO VOLVE A ATENTAR CONTRA A HISTORIA DE CAMBADOS

Operarios municipais de Cambados, coa supervisión do arqueólogo do Concello, taparon os restos do muro medieval do illote da Torre de San Sadurniño que quedaron ao descuberto hai dez dias  como consecuencia do temporal. A protección é unha tea vexetal e unha capa de area que se utiliza para frear a erosión dos restos e evitar así o seu deterioro.

Desde o concello explican,«unha vez protexido de xeito provisional este fragmento de valado, vaise coordinar con Patrimonio outra intervención de protección máis ampla que permita consolidar e dotar de maior seguridade ou asentamento. Vaise redactar un proxecto para actuar conxuntamente na procura de repoñer ou volume e protexer vos restos destapados».

Os restos  que quedaron ao descuberto corresponden a un muro dun antigo asentamiento da Idade Media. Desde este BLOG sinalamos aposibilidade de que se tratase dun castro polas informacións recibidas cando nos deron aviso da aparición, da que demos conta en primicia e despois fois participada por outros medios tanto dixitais coma escritos.

Desde o Concello refírense tamén a que nestes restos de edificacións  vivían familias, «rodeadas dunha fortificación pétrea dá que é improbable que queden restos». 

Esta afirmación parécenos cando menos un pouco banal tendo en conta que non se estudou nada máis que o que aparece a simple vista.

Outra cousa importante é que a anterior vez que apareceron os restos a reacción foi a mesma polo que nos tememos que todo volva a quedar en nada ata que outro temporal volva a dar luz a este achádego.

Porque o Concello non fai o posible por estudar este achádego e trata de tapalo unha e outra vez?