Foto "Sermos Galiza" |
As Plataformas galegas de defensa da sanidade fixeron este sábado un chamamento á poboación a manifestarse hoxe luns, día 27, contra o "cruel" copago sobre os medicamentos da farmacia hospitalaria, que retiran e precisan os enfermos crónicos.
A través dun comunicado, a Iniciativa Galega Pola Gratuidade da Sanidade e SOS Sanidade Pública apelan a concentrarse ante os hospitais de Monforte de Lemos, A Coruña, Ferrol, Santiago, Cee, Ribeira, Lugo, Burela, Ourense, O Barco de Valdeorras, Vigo, Pontevedra, Vilagarcía de Arousa e Verín. Esta medida, como explicaron, ten por obxectivo demandar á Xunta que "recapacite" e néguese" a aplicar este copago, do mesmo xeito que fixeron boa parte das autonomías ata "gobernadas polo PP", incluída a que lidera a secretaria xeral do PP, María Dores de Cospedal. "Esiximos á Xunta que recapacite e non aplique esta medida, que prexudica gravemente aos colectivos afectados pola enfermidade e que, en moitos casos, non poderán facer fronte aos pagos pola súa vulnerabilidade económica e social".
En Vilagarcía a Praza de Galicia en Vilagarcía de Arousa acollerá a concentración, ás 20.00 horas.
|
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.