UN CABALEIRO DO ALBARIÑO NO BANQUIÑO DOS ACUSADOS OUTRA VEZ

O ex-presidente do Goberno balear e Cabaleiro do Albariño, posto que aínda non se lle quitou esta distinción, Jaume Matas, volveu sentarse esta mañá no banco dos acusados nun segundo xuízo por presunta corrupción. Deberá responder diante dun xurado popular pola contratación da súa dona nun hotel, do que cobrou máis de 42.000 euros en 2007, sen ter que prestar ningún servizo a cambio.
O Capítulo Serenísimo do Albariño e o Concello de Cambados siguen mantendo a distinción a este personaxe a pesares de ser condenado no seu dia a 6 anos de cárcere, sentenza que está recurrida polo propio Matas.

Asegura o fiscal que Matas presionou ao propietario deste establecemento para que simulase o contrato e encubrir así os cartos que o ex-presidente balear cobrou de xeito ilícito do empresario. Solicita para él unha pena de 9.000 euros e que devolva os cartos cobrados pola súa dona.