Unha multitudinaria marcha convocada polo BNG reclamou o pasado domingo nas rúas de Santiago de Compostela a "soberanía" de Galicia e defende un "cambio de rumbo" nas políticas que aplica o Partido Popular na Xunta e que "levan a unha situación límite, tanto no económico como no social".
"Esperamos que o día de hoxe sexa un punto de inflexión para cambiar o rumbo de Galicia e cambiar radicalmente as políticas que aplica neste país o Partido Popular", manifestou o portavoz nacional da formación nacionalista, Xavier Vence en declaracións aos medios de comunicación.
Baixo a lema 'Galicia pola soberanía', os manifestantes, que partiron da Alameda compostelá sobre as 12.20 horas deste domingo, corearon cánticos como 'Quen queira, quen non, Galiza é unha nación' ou 'Galicia ceibe, poder popular'.
Así mesmo, na marcha tamén acusaron ao Partido Popular de "corrupto" por "cobrar sobresueldos e gobernar entregado aos grupos empresariais de Madrid que o financiaron de forma ilegal".
Denuncia que as políticas da Xunta e do Goberno "desmantelan as institucións, o autogoberno e deterioran os servizos públicos".
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.