O Concello informa que a partir de hoxe luns abre o prazo de inscrición –ata completar prazas- para participar na decimoquinta Escola de Verán de Vela que se vai desenvolver dende o día 22 ata o 28 de xullo, dirixida por dous monitores da Federación Galega deste deporte, coorganizadora do curso.
Nesta nova convocatoria estival poderán participar corenta afeccionados e afeccionadas da comarca do Salnés que teñan 9 anos cumpridos como mínimo e que saiban nadar (inexcusable).
A organización disporá de catro modernas embarcacións “topaz”, que suplen ás antigas “vauriennes”. Ademais, contará con 5 “optimist”, 6 tablas de vela ou “windsurf”, 2 lanchas neumáticas con foraborda e un chaleco salvavidas para cada participante.
As clases de técnica náutica (40 horas) desenvolveranse na dársena do peirao de Tragove, de luns a venres, con horarios alternativos: de 10 a 14 horas pola mañá ou 16 a 20 horas tarde.
O custo do curso será de 25 euros por persoa e as inscripcións formalizaranse na oficina do animador deportivo, no edificio multiusos dos antigos xulgados.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.