OS PREFERENTISTAS IMPEDIRON O PLENO DE PONTEVEDRA

¡¡¡ Non haberá plenos ata que cobremos !!! Os afectados polas preferentes de Pontevedra e Marín anunciárono así de claro e alto. Mobilizacións en Cambados Albariño 2012 No caso do Concello de Pontevedra esta mañá, conseguírono sen demasiada insistencia. O alcalde, Fernández Lores, suspendeu o pleno ordinario do mes de xuño, que incluía na orde do día un crédito de 4 millóns de euros. O feito de que se lles pechou a porta do arbitraje a todas estas persoas, lonxe de inducilas á claudicación, renovoulles as enerxías para seguir pelexando por recuperar o seu diñeiro.   Tamén dixeron alto e claro que se senten defraudados por todos os políticos. Concello de Pontevedra A reacción entre os concelleiros da Corporación Municipal de Pontevedra foi inmediata; Louro e demais concelleiros socialistas foron os primeiros en abandonar o Teatro Principal. Despois fixérono entre apupos e reproches os edís do PP, que entendían a indignación deste colectivo, pero non as críticas.          O alcalde, Fernández Lores departiu uns instantes cos afectados para renovar o apoio institucional do Concello.