O PSOE CAMBADÉS CRITICA A HIPOTÉTICA AMPLIACIÓN DE SETE PIAS

 Os Socialistas de Cambados denuncian o abandono do Polígono de Sete Pias e critican a pretendida e recurrente ampliación que sempre anuncian cando precisan titulares.
Fátima Abal sinala que non é lóxico ampliar o que non está colmado.

O PSOE de Cambados denuncia a recurrente venda de noticias, como a da ampliación de SetePias, por parte dun PP que leva anos falando dos mesmos temas e sen resolver ningún deles.
A Portavoz Socialista Fátima Abal critica que o Alcalde se poña a falar de ampliar un espazo que está baleiro de actividade, con naves en venda e outras que nunca abren as súas portas, con todo o que está a caer na Comarca e o paro que enche ás familias de incertidumes. Os Socialistas denuncian que levan anos pedindo que se arranxen os viais, as beirarrúas, que se coloque unha sinalización de empresas clara que facilite a súa localización, e non a que colocaron que nin se ve nin soluciona nada. Abal Roma engadíu que foron as propias Institucións da Xunta, encargadas de velar pola calidade das infraestructuras e servizos destos Polígonos, a que fixo un informe demoledor, rotundamente negativo dos servizos que ofrece e deixando en evidencia as amplas carencias que ten.

O PSOE de Cambados lembra que o PP sempre actúa do mesmo xeito e vende durante anos proxectos e xestións que nunca chegan a ser realidade e pasamos décadas falando deles como se de verdade existirán. A Portavoz Socialista Fátima Abal quixo recalcar que non se pode ampliar o que nin siquera está completo de edificación e actividade, polo que os Socialistas decímoslle que faga con urxencia plans para reactivar o Polígono e atraiga empresas que xeneren postos de traballo e deixemos os soños faraónicos para outro momento xa que a sociedade ten outras prioridades elementais que debemos resolver.