A Deputación de Pontevedra anunciou onte a convocatoria dun concurso para decorar os municipios polos que pasará a Volta ciclista a España, que transitará pola provincia entre 28 e o 31 de agosto.
Con dous premios de 4.000 e 3.000 euros, o concurso pretende "promover o embelecemento e o coidado das vilas, potenciar se atractivo turístico e comercial así como o seu carácter tradicional, utilizando como elemento principal", segundo a Deputación.
Así mesmo, aspira a premiar "o esforzo e o traballo que realizan os comerciantes e hostaleiros que participen nesta iniciativa para atraer aos clientes utilizando a imaxinación e a orixinalidade".
A idea foi presentada polo presidente da Deputación, Rafael Louzán, e a deputada Begoña Estévez, quen explicaron tamén as condicións.
Os organizadores establecen que só se pode presentar unha candidatura por cada un dos 26 municipios polos que discorrerá o percorrido da carreira ciclista.
 |
| La Vuelta 2011 por Cambados |
Para iso, deberán porse de acordo as asociacións sen ánimo de lucro de comerciantes, empresarios e hostaleiros con sede nesas localidades.
Trátase de Ponteareas, Porriño, Mos, Gondomar, Baiona, Nigrán, Vigo, Redondela, Soutomaior, Vilaboa, Moaña, Cangas, Bueu, Marín, Pontevedra, Poio, Sanxenxo, O Grove, Cambados, Ribadumia, Meis, Vilagarcía de Arousa, Caldas de Reis, Moraña, Cuntis e A Estrada.
As propostas deberán presentarse antes 15 de agosto e os organizadores valorarán "a orixinalidade e a imaxinación na decoración, a ornamentación de comercios, establecementos hostaleiros e de servizos, rúas, fachadas, ocos de fiestras, balcóns, terrazas, xardíns, monumentos e fontes", segundo a Deputación.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.