A revista Noticias de España editada pola Cámara de Comercio Hispano Japonesa e que ten unha tirada de 20.000 exemplares e distribúese por Xapón e países europeos ven de publicar unha reportaxe sobre Cambados.
A portada da revista e unha vista aerea de Cambados e na reportaxe principal fálase das suas excelencias baixo o título “Cambados Villa del Albariño”.
Na reportaxe de 5 páxinas con 16 fotos en cor refléxase a riqueza do patrimonio monumental da vila. Destaca unha imaxe do Palacio de Fefiñáns iluminado, as Ruinas de Santa Mariña, o pazo de Ulloa e unha vista xeral.Resalta a publicación a importancia dos sectores pesqueiro e a viticultura coma eixos importantes da econmía cambadesa. Inclúe referencias a o turismo, gastronomía e o comercio. Como non, tamén sitúa nun lugar destacado a celebración da Festa do Albariño “que axuda a impulsar o cultivo e a exportación do viño a os principais mercados do mundo”.
No apartado adicado a o Conxunto Histórico destaca “a sua excelente restauración con materiais nobres”
A reportaxe inclúe tamén unha entrevista co Alcalde de Cambados Luis Aragunde que destaca o patrimonio cambadés: “pazos, casas nobres, esculturas e pezas de arte popular, prazas e rúas empedradas, un pracer para quen ama o arte” di.
A publicación empezou a editarse no 1985, con carácter trimestral e adica en cada número a dar información de interese sobre España a o público nipón, un mercado destacado para o turismo. A revista distribúese en diferentes organismos xaponeses i en España onde hai público xaponés.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.