OS SOCIALISTAS CAMBADESES DENUNCIAN QUE O VIDRO DOS CONTEDORES LEVAN SEMANAS SEN SER RECOLLIDOS
Rafael Blanco di que «temos o recibo do lixo máis caro, e o servizo menos eficaz na súa recollida».
Os Socialistas cambadeses veñen de denunciar que a recollida de vidro
leva semanas sen facerse, os contedores están colapsados e orixina que,
ante a falla de espazo, os cidadáns acaben depositando vidro noutros
contedores distintos. E todo por non facerse unha recollida eficaz do
mesmo.
O Portavoz Socialista Rafael Blanco insiste en que en
Cambados pagamos máis por unha menor eficiencia na recollida de lixo. E
ven xa de tempo atrás, non é nada novo e pódese consultar a hemeroteca. E
no caso do papel e cartón pasa exactamente o mesmo.
Asimesmo destacan que calquera pode ver como bolsas do lixo, tanto de
vidro como doutras categorías, apílanse fóra dos contedores por falla
de espazo e pola escasa periodicidade na súa recollida selectiva. Esta
cuestión é especialmente preocupante no verán xa que coas altas
temperaturas a degradación de restos orgánicos e lixo en xeral, é moito
máis rápida e causa unha maior afectación nas nosas rúas do casco
histórico moi concorridas.
Blanco engade que se atendemos ao que o Alcalde vende en
prensa temos o mellor servizo, pero basta con darse unha volta polas
instalación soterradas para comprobar como saen por fóra as botellas e
outras tipoloxías por falla de recollida en tempo e forma. Polo tanto,
en publicidade 10 en recollida real 0.
Os Socialistas cambadeses denuncian que reciben, un día si e outro
tamén, denuncias e reclamacións de veciños que están molestos pola
ineficacia dun sistema que deberá ser a base dun modelo de
sostenibilidade e polo que levamos apostado dende fai moitos anos, pero
ao que lle resta moito para ser realmente eficaz.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.