MAIS PROTESTAS DOS AFECTADOS POLAS PREFERENTES

A plataforma asociativa de aforradores afectados polas participacións preferentes ofrecidas por financeiras concentrouse hoxe ante o Instituto galego de consumo para reclamar máis atención e denunciar o que consideran como "unha estafa masiva".

"A maioría dos afectados vimos aquí para solicitar información para solucionar a estafa masiva de produtos preferentes e subordinadas" dixo o portavoz da citada da plataforma, Xesús Domínguez, quen criticou a falta de garantías por parte de moitos afectados na presentación de denuncias.

Engadiu que Novagalicia Banco, está "a redirixir" aos afectados ao Instituto Galego de Consumo para que presenten denuncias, pero lamentou que esa institución, dependente da Xunta, "a uns dilles que non poden presentar reclamacións",aínda que apuntou que despois reconsiderou a súa posición.

"O fiscal xeral de Galicia fala de que a demanda interposta pola fiscalía, en caso de ser positiva, beneficiará á totalidade dos afectados", dixo Domínguez a un grupo de xornalistas e observou que a arbitraxe proposta pola Xunta só favorecerá de 10 %a 15 % dos aforradores.