Julio Iglesias será o artista principal na Festa do Albariño de
Cambados (Pontevedra) deste ano, segundo confirmou o alcalde Luís Aragunde. O concerto, que terá lugar o mércores 1 de
agosto na praza de Fefiñáns, será a única cita do cantante en Galicia
dentro do seu actual.
O alcalde cambadés adiantou que se habilitará un espazo con
capacidade para entre 600 ou 700 cadeiras, de forma que o público desa
zona poida ver o concerto sentado. O resto do aforamento, ao redor das
5.000 persoas, escoitarán o concerto de pé.
A actuación de Julio Iglesias en Cambados, explicou Luís Aragunde,
foi posible polas xestións realizadas desde o concello, pero contando
ademais ao seu favor co "interese persoal do propio artista" en actuar
na Festa do Albariño.
Julio Iglesias ostenta a condición de Cabaleiro do Capítulo
Serenísimo do Albariño desde 1992, título que recibiu no solemne acto
realizado no patio de armas do Pazo de Fefiñáns.
Entón, e seguindo o
ritual que deben cumprir todos os "cabaleiros" desta orde, xurou
defender e enxalzar o albariño "como lexítimo señor de todos os viños
do mundo cristián".
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.