XUNTANZA DOS TRASMALLEIROS

Os armadores das preto de 80 embarcacións da comarca da Arousa que traballan co arte do trasmallo tiveron unha xuntanza para unirse e loitar xuntos contra a prohibición de pescar chopo na Ría. Esta decisión precipitouse á raíz da negativa da Consellería do Mar a dar marcha atrás no vixente plan de explotación que lles prohibe traballar esta especie xa desde este mes de xuño. Esta negativa da Xunta obrigounos a constituírse como asociación para intentar facer ver que o seu traballo ten futuro, e que diversificando as artes a Ría podería ter un mellor rendemento para todos. 

O primeiro paso, tras decidiren asociarse, foi crear, en consenso, o seu propio estatuto para a que se dará en chamar Asociación de Armadores de Pesca Artesanal de Galicia. 

 

Estes armadores buscan así ser escoitados polo executivo autonómico xa que non se senten representados polos patróns maiores das súas confrarías. Pretenden así ser uns interlocutores válidos para adoptar calquera tipo de medida que axude a mellorar a súa calidade de vida e a dos traballadores, que arestora veñen de mandar ó paro ante o inminente prohibición de pescar chopo co trasmallo. 

 

 

O primeiro paso que van a adoptar é intentar reunirse co Director Xeral da Consellería do Medio Rural e do Mar, Juan Maneiro, para intentar facerlle entender a súa posición e que lles faculte a traballar durante este mes que ven de comezar. Senón, continuarán cas medidas de presión.