Cambados será sede por segundo ano consecutivo dun curso da Universidade
Internacional Menéndez Pelayo (UIMP). Terá lugar o 26 e 27 de xullo no
Museo do Viño e o tema é "Cambados na historia".
Durante dous días,
expertos na materia desagregarán a historia local desde a prehistoria
ata o Antigo Réxime de forma "amena e didáctica", segundo explicou a
directora do curso, Rocío Acha. Entre os relatores figuran os
arqueólogos Ángel Acuña, Manuela Pérez Mariño e Rafael Martínez, os
profesores de historia Pegerto Saavedra e José Manuel Pérez García,
entre outros.
O programa inclúe tamén visitas guiadas ao Con de Sete
Pías e o castro da Pastora. Clausúraa do curso correrá a cargo do
director da UIMP, Xosé Luis Barreiro Rivas, quen hoxe acudiu a Cambados
para participar na presentación do curso xunto ao alcalde, Luis
Aragunde, Rocío Acha e a deputada provincial Ana Vázquez.
Este aludiu á
importancia de iniciativas como esta para coñecer a historia máis
próxima. "Antes vos rapaces sabiamos historia dous grandes
acontecementos, sabiamos de todo menos do que nos rodeaba. Iso provoca
un divorcio do cidadán coa historia", indicou.
O curso dispón de 40
prazas e a matrícula custa 129 euros, cantidade que se reduce ao 50 %
para alumnos das universidades galegas. Establécese, ademais, un sistema
de bolsas para abaratar custos de matrícula.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.