Un veciño de Cambados denuncia que lle entraron nunha viña e lle cortaron máis de 60 cepas. Estragáronlle así unha colleita duns 1.000 quilos de uva. Sospeita que se trata dunha vinganza, xa que lle pasou o mesmo hai dous anos.
Nada máis botarlle un ollo a esta viña decátase un da desfeita que causaron os vándalos. Cortaron boa parte das cepas dende case a raíz, botando a perder toda a colleita. O responsable desta leira de Cambados asegura que son uns mil quilos e uva. É a segunda vez que sofren un ataque deste tipo.
Aproximadamente son 25 cepas a un metro de altura e o resto podáronas por riba, sobre unhas 60 cepas. A plantación quedou inservible. Nas dúas ocasións agardaron a que deran a última man de sulfato, uns 15 días antes da vendima.
A viña é propiedade da familia de Miguel Ángel, pero dende hai uns anos encárgase el de traballala. Sospeita que estos actos responden a unha vinganza, e xa denunciou os feitos na Garda Civil.
Agora agardan que a investigación dea froitos para evitar que se repitan este tipo de sucesos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.