Confeccións Trivi, empresa familiar fundada en 1957, evolucionou ao longo dos anos ata converterse nun auténtico referente na confección de roupa de protección contra a auga e o frío. Un proxecto que naceu coa elaboración artesanal de roupa de traballo para o mar e a industria, e que fixo fronte a un crecemento constante, implementando procesos de mecanización, automatización e a introdución de materiais sintéticos, como poden ser as poliamidas, os poliésteres, PVC, etc. Desta forma, a aposta pola utilización de materiais da máis alta calidade xunto coa evolución e aplicación de novas tecnoloxías co paso dos anos marcaron a historia da compañía. Neste punto destaca a colaboración con fabricantes de tecidos punteiros como é o caso de Sympatex, que ofrece solucións específicas co fin de conseguir unha regulación perfecta da temperatura, con tecidos laminados que garanten ao mesmo tempo a impermeabilidad e transpirabilidad. A firma conta cun persoal que supera as 50 persoas e dous centros de produción, o principal situado en Cambados (Pontevedra) e un segundo centro en Portugal, logrando desta forma unha ampliación da produción sempre controlada por persoal propio. Todos estes desenvolvementos, tanto nos métodos de traballo como nos centros de produción, leváronos a realizar un cambio na imaxe corporativa da empresa. Así e baixo o propósito de facer fronte aos desafíos do mundo dixital e a globalización, redeseñouse o logotipo, mantendo a esencia da figura do ‘mariñeiro’ cunha liña moito máis moderna e fresca. A renovación de imaxe tamén se traslada ao lanzamento a principios do presente exercicio 2020 do novo catálogo e á total renovación da páxina web corporativa.
Trivi conta cunha forma de traballar que veu marcada pola adaptación ás novas necesidades e esixencias do mercado, a personalización do vestiario e unha especial énfase no cumprimento de todos os requisitos para obter as certificacións relacionadas coas diversas categorías de pezas e os distintos usos. Así, foron xurdindo novos campos como o desenvolvemento de pezas ignífugas, onde o nicho de mercado que combina a peza impermeable coa resistencia á chama e protección contra o arco eléctrico atópase en proceso. Entre as últimas pezas que presenta no mercado está a serie Canadá, composta por un conxunto de chaqueta e pantalón, e un mergullador, pezas acolchadas con material 3 M Thinsulate, que permiten un amplo confort para traballar en ambientes fríos de ata -49° C. Dentro desta serie está incluída unha combinación que, a maiores de presentar unha protección contra o frío, protexe ao usuario contra riscos en zonas onde circulen vehículos.
Vídeo
SICUR é o gran referente internacional en España da Seguridade. Cada dous anos, reúne en Madrid a empresas, asociacións, profesionais e usuarios da seguridade global nos ámbitos público e privado. A innovación e o desenvolvemento tecnolóxico son os grandes protagonistas deste encontro profesional que aborda a seguridade integral desde cinco grandes áreas co obxectivo de seguir favorecendo o benestar e o desenvolvemento social.
