A PLATAFORMA EN DEFENSA DÁ SANIDADE PÚBLICA DO SALNÉS DI QUE A REGULACIÓN DE ÁREAS SANITARIAS CREA "MÁIS CONFUSIÓN"

A Plataforma en Defensa dá Sanidade Pública do Salnés presentou este xoves varias alegacións contra o decreto da Xunta que regula as áreas e distritos sanitarios, que consideran que, "polo seu espírito, merece unha emenda á totalidade", xa que non resolve "ningunha das carencias xeradas" polas áreas, senón que "vén xerar máis confusión e diferenzas" entre os diversos distritos. Así, unha das alegacións presentadas pola Plataforma está referida ao Consello de Saúde do Distrito, un órgano colexiado cuxa creación contempla o decreto pero que, con todo, non aparece no organigrama das áreas sanitarias, denuncian. Celia Iglesias, portavoz da Plataforma en Defensa dá Sanidade Pública do Salnés, criticou que a constitución do Consello do Distrito si que figura como tal no borrador do decreto. "Pero cando buscas nos organigramas finais das distintas áreas, o Consello do Distrito non aparece por ningún lado", engadiu. A Plataforma tamén denuncia a "disparidade de criterios" entre unhas áreas e outras, e pon como exemplo a creación dunha subdirección médica que o borrador do decreto si contempla para o distrito sanitario da Mariña pero non para a do Salnés. SEN REPRESENTACIÓN PROFESIONAL A Plataforma en Defensa dá Sanidade Pública do Salnés tamén presentou unha alegación referida á creación do Consello de Dirección dá Área Sanitaria. Segundo o borrador do decreto, o citado Consello estaría formado polo xerente da área, cinco vocais designados pola Xunta e catro vocais máis designados polos concellos da área.

"É inconcibible que nese Consello non exista ningunha representación dos traballadores", indica Celia Iglesias, membro tamén da Xunta de Persoal do Hospital do Salnés. LISTAS DE ESPERA Ademais do anuncio das alegacións ao borrador do decreto de regulación das áreas e distritos sanitarios de Galicia, a Plataforma en Defensa dá Sanidade Pública do Salnés denunciou tamén o sensible "incremento" que sufriron as listas do espera da comarca nos dous últimos anos. Recorrendo aos datos oficiais que aparecen na páxina web do Sergas, a Plataforma constatou que, por exemplo, en consultas de anestesia o tempo medio da lista de espera en xaneiro de 2019 é de 52 días, en tanto que en 2014 era de 28 días, de 27 en 2015 e de 24 en 2016. No caso de dermatoloxía o tempo en lista de espera en xaneiro de 2019 é de 40 días. Nesa mesma especialidade a lista de espera en 2014 era de 22 días, en 2015 era de 32 e en 2017 de 23, apuntan. "Cando dicimos que desde que pasamos de ser área a distrito sanitarios perdemos moito tamén nos estamos referindo a isto", concluíu a portavoz da Plataforma.

CONCENTRACIÓNS NO SALNÉS CONTRA OS RECORTES NA SANIDADE

A Plataforma en Defensa da Sanidade Pública convocou para este martes 29 de xaneiro concentracións simultaneas en todos os centros de saúde que conformaban a extinta área sanitaria do Salnés. As mobilizacións tiveron lugar ás 12,00 horas en Vilagarcía, Cambados, A Illa de Arousa, Vilanova, Ribadumia e Catoira.

  

Con esta mobilización a Plataforma do Salnés pretende chamar a atención da Xunta de Galicia "para que cesen os recortes" que tanto en persoal, como en camas e en orzamentos sofren, segundo asegura, os centros de saúde da comarca. SITUACIÓN "INSUSTENTABLE" EN PRIMARIA

"Levamos moitos anos sufrindo recortes, marxinación e anunciando que estabamos nunha situación de grave risco pero esa situación chegou xa ao grao de insustentable, especialmente na Atención Primaria", manifestou a portavoz da plataforma, Rosa Casal, durante a presentación destas mobilizacións.

Os responsables da plataforma alertan acerca dos índices de temporalidade dos contratos e de que a persoais dos centros de saúde están baixo mínimos. "A este ritmo imos deixar de coñecer o que entendiamos como médico de familia", sinalan.

Por parte do colectivo en defensa da sanidade pública do Salnés incídese en que, "como mínimo", a comarca debería recuperar o persoal, as camas e os orzamentos que tiña antes de perder a cualificación de área sanitaria e converterse en distrito. "Agora somos o segundo prato", sinala Rosa Casal, quen apuntou como exemplo ilustrativo desta situación o recente traslado dun pediatra do PAC de Cambados ou o dun anestesista do Hospital do Salnés a outros centros, sen que fosen substituídos. AUTOBUSES A SANTIAGO

Ademais, a Plataforma en Defensa dá Sanidade Pública do Salnés, en colaboración cos concellos de Vilagarcía, Cambados, A Illa de Arousa, Ribadumia e Catoira, fretará autobuses para trasladar gratuitamente aos veciños da comarca que desexen acudir á manifestación contra os recortes na sanidade pública que terá lugar o domingo 10 de febreiro en Santiago de Compostela. Así, a plataforma apunta que todo aquilo que viñeron anunciado en sucesivas mobilizacións e denuncias públicas "está a cumprirse na actualidade". É por iso, engaden, que realizan este chamamento á cidadanía do Salnés para que acuda á manifestación de Santiago e dea "un golpe na mesa e unha resposta contundente" ás políticas sanitarias da Xunta de Galicia. "Porque a saúde non é un negocio, é un dereito", concluíron.


Imaxes: Arousa Sí Radio

CONVOCADAS CONCENTRACIÓNS O VINDEIRO MARTES NOS CENTROS DE SAÚDE DA ÁREA DO SALNÉS PARA QUE "CESEN OS RECORTES"

A Plataforma en Defensa da Sanidade Pública convocou para o martes 29 de xaneiro concentracións compaxinas en todos os centros de saúde que conformaban a extinta área sanitaria do Salnés. As mobilizacións terán lugar ás 12,00 horas en Vilagarcía, Cambados, A Illa de Arousa, Vilanova, Ribadumia e Catoira. Con esta mobilización a Plataforma do Salnés pretende chamar a atención @de la Xunta de Galicia "para que cesen os recortes" que tanto en persoal, como en camas e en orzamentos sofren, segundo asegura, os centros de saúde da comarca. "Levamos moitos anos sufrindo recortes, marxinación e anunciando que estabamos nunha situación de grave risco pero esa situación chegou xa ao grao de insustentable, especialmente na atención primaria", manifestou a portavoz da Plataforma. Rosa Casal, durante a rolda de prensa de presentación destas mobilizacións. Os responsables da plataforma alertan acerca dos índices de temporalidade dos contratos e de que a persoais dos centros de saúde están baixo mínimos. "A este ritmo imos deixar de coñecer o que entendiamos como médico de familia", sinalan. Por parte do colectivo en defensa da sanidade pública de O Salnés incídese en que, "como mínimo", a comarca debería recuperar o persoal, as camas e os orzamentos que tiña antes de perder a cualificación de área sanitaria e converterse en distrito. "Agora somos o segundo prato", sinala Rosa Casal, quen apuntou como exemplo ilustrativo desta situación o recente traslado dun pediatra do PAC de Cambados ou o dun anestesista do Hospital do Salnés a outros centros, sen que fosen substituídos. AUTOBUSES A SANTIAGO Ademais, a Plataforma en Defensa dá Sanidade Pública do Salnés, en colaboración cos concellos de Vilagarcía, Cambados, A Illa de Arousa, Ribadumia e Catoira, fretará autobuses para trasladar gratuitamente aos veciños da comarca que desexen acudir á manifestación contra os recortes na sanidade pública que terá lugar o domingo 10 de febreiro en Santiago de Compostela. Así, a Plataforma apunta que todo aquilo que viñeron anunciado en sucesivas mobilizacións e denuncias públicas "está a cumprirse na actualidade". É por iso, engaden, que realizan este chamamento á cidadanía do Salnés para que acuda á manifestación de Santiago e dea "un golpe na mesa e unha resposta contundente" ás políticas sanitarias da Xunta de Galicia. "Porque a saúde non é un negocio, é un dereito", concluíron. OUTRAS CONCENTRACIÓNS As concentracións convocadas no Salnés súmanse a outras acordadas por persoal sanitario con paros de cinco minutos en Puntos de Atención Continuada (PAC) e centros de saúde de diversas áreas sanitarias. En concreto, contra o "desmantelamento do sistema sanitario público" convocaron paros de cinco minutos ás 12,00 e 18,00 horas os luns na área de Ourense e Ferrol; o martes, na de Lugo; o mércores, na da Coruña; o xoves, nas de Vigo e Pontevedra; e o venres, na de Santiago.

CONCENTRACIÓN CONTRA O PECHE DO CENTRO DE SAÚDE DE CAMBADOS POLAS TARDES

Acumúlanse as protestas polo funcionamento da sanidade pública, case en exclusiva centralizadas na atención primaria. Mentres a Asociación Galega en Defensa dá
Sanidade Pública lanza un chamamento a unha gran mobilización, esta fin de semana terá lugar numerosas concentracións e manifestacións pedindo unha mellor sanidade pública. Bueu sairá á rúa o domingo para protestar pola falta dun dos dous pediatras no centro de saúde. Asumindo o facultativo que queda as dúas cotas. O Concello de Cambados convocou unha concentración para mañá para protestar polo peche do centro de saúde da localidade polas tardes desde o 10 de decembro ata o 14 de xaneiro. Unha cadea humana que rodeará o centro de Saúde a partires das 12 da mañá. Pola nosa saúde temos que ir todos a maifestar a nosa disconformidade coa medida adptada pola Xunta. En Pontevedra haberá concentración na Praza da Peregrina Pola súa banda, a Asociación Galega en Defensa dá Sanidade Pública lanza un chamamento a unha “gran mobilización” dos profesionais médicos de Galicia se o Goberno galego non soluciona as carencias que actualmente presenta o sistema sanitario público. Afirman que a Atención Primaria “non pode retroceder máis” e esixe que se abra de inmediato unha comisión mixta coa Xunta que elabore un novo plan de mellora da Atención Primaria. Di o doutor Manuel Martín que a dimisión dos xefes de servizo de Vigo é só a punta do iceberg.

EN MAREA RECLAMA MEDIOS SUFICIENTES PARA GARANTIR O FUNCIONAMENTO DO CENTRO DE SAÚDE DE CAMBADOS

En Marea reclama medios suficientes para que o centro de saúde de Cambados, así como o conxunto das instalacións encargadas da atención primaria no sistema sanitario galego, poidan cubrir as necesidades asistencias dos usuarios de maneira axeitada ao longo de toda a xornada e durante todos os meses do ano. A vicepresidenta do Parlamento e deputada de En Marea, Eva Solla, ven de rexistrar unha proposición non de lei que se fai eco da recente reclamación presentada polo Concello cambadés; que esixe á Xunta de Galicia a cobertura das baixas, descansos e períodos de vacacións do pesoal sanitario que, nestes momentos, non está a realizarse; obrigando ao centro de saúde da vila a pechar durante as tardes durante o verán; e deixando sen cobertura médica suficiente ao municipio na época na que as necesidades neste eido se ven máis incrementadas, debido á afluencia de turistas.

A situación que vive actualmente a atención primaria en Galicia dista moito do cumprimento dos servizos básicos de atención sanitaria. Ante a falta de recursos, o sector está sendo gravemente perxudicado, pois existe un deterioro progresivo que se asenta na eliminación de persoal, na diminución de bens económicos e na perda da capacidade de xestión.

Concretamente, no relativo ao persoal activo resulta unha práctica habitual a “autosustitución”. Recollida baixo este eufemismo, prodúcese unha situación precaria que denota a ausencia de cobertura de permisos, incapacidades temporais ou vacacións.

Ante a falta de compromiso e solucións que sofre o conxunto da sociedade: as e os profesionais sanitarios ven a súa carga de traballo incrementada; ao mesmo tempo que fan fronte a unhas listaxes de agarda emergentes na atención primaria; e ao consecuente empeoramento da cobertura do dereito a saúde.

Estas circunstancias disparan as alarmas, xa que se alcanza o máximo expoñente no peche de centros en queda de tarde. Isto acontece debido á falta de cobertura durante os períodos de vacacións correspondentes a estas quendas, como no caso de Cambados.

O Concello de Cambados xa rexistrou unha reclamación á Xunta de Galicia, na que se denuncian as condicións do sector e se esixen coberturas profesionais durante o descanso do persoal. Para, así, garantir a asistencia no centro, tanto nas quendas de tarde durante a época estival, coma durante o resto do ano. Unha esixencia que, grazas á iniciativa do grupo parlamentario de En Marea, chegará tamén á Cámara galega.

Proposición Non de Lei no Pleno do Parlamento de Galicia

MANIFESTACIÓN CONTRA O PECHE DO CENTRO DE SAÚDE DE CAMBADOS POLAS TARDES

A Plataforma en Defensa da Sanidade Pública do Salnés —entidade que agrupa a partidos políticos, sindicatos e colectivos de traballadores sanitarios— convocou para o vindeiro venres 3 de xuño, unha marcha en contra do peche do Centro de Saúde e o PAC polas tardes durante o periodo de verán. Os participantes partirán ás 20.30 horas desde o Concello para percorrer a pé parte de Cambados ata chegar ao Centro de Saúde. Unha vez alí concentraranse ás portas do centro sanitario para esixir a aperturo da unidade asistencial tamén polas tardes durante o verán.

DENUNCIAN O RETROCESO DA SANIDADE PÚBLICA NO SALNÉS

Denuncian a reforma sanitaria no Salnés: "Tiñamos razón cando falabamos dos plans de privatización da sanidade pública"

A plataforma en defensa da área sanitaria do Salnés denuncia que a reforma sanitaria mediante "decretazos" por parte da Xunta "agravará aínda máis a situación da atención" na comarca.

En relación co borrador do decreto polo que se regulan as áreas do sistema público de saúde de Galicia, esta plataforma critica que se inclúe unha disposición adicional, o réxime aplicable ao Hospital Povisa, de Vigo, a pesar de que "se trata dun hospital privado".

"Tiñamos razón cando falabamos dos plans de privatización da sanidade pública", denuncia a portavoz deste colectivo, Rosa Casal, sobre a actuación da Xunta. Así, remarca que a xestión concertada do hospital Povisa cos centros sanitarios da comarca de Vigo foi un "experimento nefasto para esa área sanitaria".

Neste sentido, lembra que Vigo é a única área que conta cun hospital privado, polo que ten as taxas mais elevadas de tempos de espera de Galicia.

A plataforma en defensa da área sanitaria do Salnés sostén que tras a aprobación da nova lei de saúde de Galicia, "desatendendo a unha gran parte da cidadanía galega que se manifestou na súa contra", o Goberno de Núñez Feijóo ten agora a intención de desenvolver unha serie de "decretazos" que van provocar un aínda maior deterioración na sanidade pública.

As  EOXI, "UN RETROCESO"
Para Rosa Casal, a creación das Estruturas Organizativas de  Xestión Integrada ( EOXI) supuxo "un retroceso para a sanidade pública, especialmente na 'lamentablemente xa extinta' área sanitaria do Salnés".

Segundo censura, ese retroceso reflíctese no aumento das listas de espera, tanto na atención primaria como na especializada, na masificación das consultas, na ausencia dunha ambulancia medicalizada na comarca, na perda de servizos sanitarios e na falta de persoal.

Así, esta plataforma denuncia a "manipulación e o engano" que supón falar da experiencia acumulada desde a creación e posta en marcha das  EOXI, xa que segundo Rosa Casal, "para poder falar diso sería necesario que se realizou unha auditoría que avaliase a experiencia".

Na súa opinión, esta auditoría non se fixo porque "supoñería deixar en evidencia e en moi mal lugar todo o que están a vender desde que iniciaron a modificación da lei de saúde de Galicia".

SUBDIRECCIÓNS INNECESARIAS
Por outra banda, o colectivo en defensa da sanidade pública do Salnés tamén critica as modificacións realizadas nos organigramas das xerencias das áreas sanitarias galegas.

En concreto, arremeten contra a creación de dúas novas subdireccións "de xeito evidente innecesarias", e máis por parte dun Goberno "que pregoa a racionalización do gasto público".

A portavoz da plataforma di non entender cales serán as funcións da subdirección de Humanización, Calidade e Atención á Cidadanía. "Pero estamos seguros de que os usuarios preferirían que ese gasto investísese en máis profesionais que alixeirasen as listas de espera", engade.

Tamén pon en dúbida a utilidade da de "Sistemas e Tecnoloxías da Información" xa que, lembra, o Sergas ten contratada a xestión do seu sistema informático a unha empresa privada.

En leste mesmo ámbito, a plataforma tamén chama a atención respecto das diferenzas do organigrama de dirección dunhas áreas respecto doutras. Nos distritos do Salnés, Monforte, O Barco e Verín a dirección non contará cunha subdirección asistencial, sinalan. Unha figura que, con todo, si aparece noutras como a da Mariña.

PECHE NO CONCELLO DE CAMBADOS EN DEFENSA DA ÁREA SANITARIA DO SALNÉS

A Plataforma pola Sanidade Pública do Salnés intensifica as mobilizacións en contra da modificación da Lei de Saúde de Galicia, que suporá a desaparición da área sanitaria tal e coma a coñecemos agora.
Tralos peches do pasado luns 5 na Illa de Arousa, venres 9 en Ribadumia, onte en Vilanova de Arousa e hoxe 15 en Catoira, o luns 19 tócalle a Cambados, e remata o martes 20 en Vilagarcía de Arousa.

Espérase que este día sexa o sinalado para o debate no Parlamento de Galicia da modificación da Lei de Saúde á que se opón a plataforma, polo que unha representación deste colectivo trasladarase a Santiago de Compostela para manifestarse ante a sede parlamentaria, xunto con outras organizacións de comarcas afectadas pola nova normativa sanitaria que pretende implantar a Xunta.

PREPARAN SEIS PECHES EN CONCELLOS DE AROUSA CONTRA A LEI DE SAÚDE

A Plataforma en Defensa da Sanidade Pública do Salnés ten xa preparadas novas mobilizacións, consistentes en seis peches en concellos, en contra da nova Lei de Saúde de Galicia. Os portavoces do colectivo presentaron esta mañá en rolda de prensa as accións que realizarán nas próximas semanas, acordadas na reunión celebrada o pasado día 26. As mobilizacións levarán peches nos concellos que forman parte da área Sanitaria do Salnés, desde as 10 ata as 15 horas, con concentracións ao mediodía. A primeira acción de protesta será na Illa de Arousa, o vindeiro luns 5 de marzo, para continuar en Ribadumia o venres 9, en Vilanova o mércores 14, en Catoira o 15, en Cambados o luns 19 e en Vilagarcía o martes 20.