TAL DIA COMA HOXE.....

A BANDA DE MÚSICA DE MEAÑO CAMPEONA DO MUNDO

Hai exáctamente un ano a Banda Unión Musical de Meaño,  conseguía o primeiro premio "World Music Contest de Kerkrade", considerado un auténtico mundial de bandas de música e que reúne cada catro anos a unha selección de 200 bandas de todo o mundo.

Competía en primeira división xunto con 19 formacións de distintas nacionalidades e obtivo tras a súa actuación unha puntuación de 96,25 sobre 100. En segundo lugar a Old Harmony Eijsden do Países Baixos, con 95,75 puntos, e en terceiro lugar Harmonieorkest de Volksgalm de Belgica con 94,75.

A Banda Unión Musical de Meaño convertíase así na primeira banda galega en conseguir este posto de tan prestixioso mundial. A devandita banda, encabezado pola directiva e os 92 compoñentes desta agrupación, partira cara a terras holandesas o martes 23 de xullo do 2013, cargados de ilusión, pero feitos un mangado de nervios debido á gran responsabilidade que supoñía para estes músicos participar nunha competición bandística de tan alto nivel.

Así volo contamos en A BANDA DE MÚSICA DE MEAÑO CAMPEONA DO MUNDO

TAL DIA COMA HOXE.....

Comezamos hoxe facendo un recordatorio a algunhas novas ocurridas tal dia coma hoxe....................
Cada  dia iremos publicando algunha nova ocurrida en Cambados e non necesariamente publicadas por nos.

Imaxe da TVG

Rouban no centro de terapia con animais para discapacitados de Cambados. 
Nova do 22/07/2013


Os ladróns forzaron dúas portas para acceder ao interior da planta baixa do centro e gabearon polos cables da fachada para entrar no segundo andar e levaron todo o que había.
O centro, que leva aberto un ano e medio, ofrece terapia con cans a persoas maiores e nenos. A falta de material obrigou a suspender as actividades previstas.

O material roubado supera os dous mil euros.