TERCEIRA ARRIBADA GAÉLICA EN CAMBADOS

III Arribada Gaélica organizada polo Cambados Gaélico e o concello de Cambados, o evento que reúne barcos tradicionais, música e fútbol gaélico. 

Calendario
Venres, 7 de junio de 2019
19:00
Arribada dos barcos ó porto de Tragove
21:00
Foliada na Praza de Alfredo Brañas
22:00
Concerto de Onte e Hoxe na Praza de Alfredo Brañas

Sábado, 8 de junio de 2019
10:00 - 14:00
Torneo de Fútbol Gaélico
16:00 - 2:00 (pola noite)
Concertos no Parque de Torrado

PRIMEIRA VITORIA PARA O CAMBADOS GAÉLICO

O encontro enfrontaba a dous rivais directos e servía en ambos casos para comprobar cales son as sensacións dos dous equipos: Estrela Gaels e Cambados Gaélico. O comezo foi terrible para os locais, que comezaron encaixando varios goles grazas a un gran atino dos cambadeses. O resultado ao descanso era un desigual 4-18. 

Logo do descanso, os Gaels tentaron recortar distancias cunha presión moi alta e actuacións individuais. Porén, os visitantes tiraron de veteranía e tentaron parar o xogo todo o posible. A inchada local desfrutou da capacidade de reacción dos seus que, cun gol de Matías Montenegro "Matigol", volvían meterse no partido pero por pouco tempo. 

Mais a experiencia do combinado cambadés rematou levando a vitoria ao Salnés. Partido positivo para ambos equipos, posto que no conxunto local debutaron xa máis de 15 xogadores e primeira vitoria para o Cambados Gaélico. Resultado final Estrela Gaels 1-11(14)/ 6-5 (23) Cambados.

O fin de semana que ven hai parón de Liga.

Clasificación

O CAMBADOS GAÉLICO APADRIÑA A SOCIO, UN CAN DO REFUXIO

O Cambados Gaélico apadriña a Socio, un can do refuxio.

Este, un doberman de 10 meses, tivo que ser operado de urxencia polos veterinarios do refuxio de Cambados por ter un corpo estraño no estómago.

Para axudar a atoparlle unha familia e que se recupere, os xogadores do equipo cambadés decidiron apadriñalo e realizar unha recolleita de alimentos e xoguetes para os cans da protectora.

A recolleita terá lugar este sábado no último partido de Liga no que o Cambados Gaélico se enfrentará ao Dorna.

A cita será ás 18:30 no campo de fútbol de O Pombal.

Non faltedes, os peludos agradecerán a vosa axuda e o Cambados Gaélico os vosos animos!

O FÚTBOL GAÉLICO INTÉGRASE NA FEDERACIÓN GALEGA DE FÚTBOL

A Federación Galega de Fútbol e a Asociación Galega de Fútbol Gaélico certificaron a integración do puxante fútbol gaélico no ámbito federativo. O presidente da FGF, Rafael Louzán, e o presidente da AGFG, Iván Villalón, asinaron o convenio que completa o proceso de integración e que convirte ao fútbol gaélico nunha especialidade do noso fútbol, tal e como xa fora aprobado na Asamblea Xeral da Federación.

Este acordo pecha un constructivo proceso de negociación que durou varios meses e que remata nunha integración positiva para as dúas partes. A FGF tratará de contribuir ao crecemento dunha especialidade que medrou moito nos últimos anos en Galicia e que conta con 13 clubs inscritos e máis de 400 xogadores.

A AGFG foi a primeira en organizar unha liga regular fóra do país orixe do deporte, Irlanda, e conta tamén cunha selección galega recoñecida pola Asociación Atlética Gaélica (GAA), máximo organismo internacional, a cal acadou o podio nos últimos dous mundiais.

Louzán puxo a federación a disposición do novo Comité de Fútbol Gaélico que se forma dentro da propia estrutura federativa, e ofreceu a súa colaboración para resolver calquer problema que xurda a partir de agora.

1º TROFEO "ARRIBADA GAÉLICA RÍA DE AROUSA"

O 17 de Xuño xógase o primeiro trofeo "Arribada Gaélica Ría de Arousa", donde imos ter de todo!!!

Este ano os 3 equipos da Ría de Arousa loitaremos por ver quen se proclama como mellor equipo... ¿será Mecos FG, Dorna FG, ou polo contrario quedará a copa na casa?

Os 3 equipos chegaremos o porto de tragove en dornas, e de ahí ghaiteirada e festa ata o campo, loitaremos... daranse os premios, despois de volta a tragove para finalizar a festa cun bó tercer tempo e de volta as dornas para despedir os equipos.. 

Pero ollo, porque ahí non termina todo, a noite temos churrascada e concertos con grupos locais en Brañas!!

Non te perdas a festa do gaélico!!! 

Todo isto non sería posible sen as asociacións de dornas, os grupos locais e toda a xente que está disposta a botar unha man, graciñas!!!

Programa:

9:00 Saída da navegación

12:30 Chegada dos equipos en barcos ao porto de Tragove

13:00 Comezo dos partidos no Pombal

16:30 Entrega de premios

18:30 Despedida dos equipos no porto de Tragove

22:00 Cea e concertos na Praza de Alfredo Brañas