PONTEVEDRA-SALNÉS: TODO O SALNÉS PAGA POR UNS POUCOS FESTEIROS

Coronavirus Pontevedra-Salnés: 43 novos infectados e soben a 580 os casos activos A área pontevedresa continúa sumando casos activos pero a capital de provincia parece estabilizada. A área sanitaria de Pontevedra e O Salnés volve sumar varias decenas de contaxios e mantense como a segunda máis afectada de Galicia a pouca distancia da Coruña. Hoxe os contaxios non aumentan tanto como no resto de Galicia, mentres a zona do Salnés é a máis afectada e a próxima a Pontevedra parece estabilizarse aos poucos. Nas últimas 24 horas producíronse 43 contaxiados novos e 9 altas, o que fai que suban en 34 persoas os casos activos, pasando de 546 a 580. Incidencia: Casos por 100.000 habitantes nos últimos 14 días e n os concellos do Salnés: Cambados 46 335 Illa de Arousa 32 650 Meaño 3 57 Meis 12 250 O Grove 3 28 Ribadumia 3 59 Sanxenxo 11 63 Vilagarcía de Arousa 93 248 Vilanova de Arousa 41 398 Segue aumentando a incidencia en Pontevedra cidade, que rexistrou 81 contagios nos últimos 7 días e 163 nos últimos 14, polo que a situación parece estabilizada. No Salnés continúa aumentando a incidencia en Cambados, Vilanova de Arousa, Vilagarcía e A Illa, e este sábado pasarán a restricións de nivel alto. O número de pacientes hospitalizados sobe de 15 a 16 persoas, distribuídas en 13 pacientes no CHU de Pontevedra (8 en planta e 5 na UCI), 3 en planta no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 15.026 casos de coronavirus, con 181 falecementos, 14.265 altas e 580 casos activos nestes momentos.