PONTEVEDRA-SALNÉS: AUMENTO INCESANTE DE ENFERMOS

-Coronavirus Pontevedra-Salnés: 43 novos infectados e soben a 546 os casos activos. -A área pontevedresa continúa tendo no Salnés a súa zona máis afectada, especialmente Cambados, A Illa, Vilagarcía e Vilanova de Arousa. A área sanitaria de Pontevedra continúa empeorando rapidamente e é a que maior incidencia ten de Galicia, cunha situación cada vez máis preocupante na cidade de Pontevedra, a súa veciña Poio e tamén na zona do Salnés. Cambados e Vilanova de Arousa xa superan amplamente os 250 de incidencia que marca as restricións de nivel alto, mentres que Vilagarcía de Arousa está moi preto. E A Isla supera os 600 enfermos de incidencia. Nas últimas 24 horas producíronse 43 contaxios novos e 7 altas, o que fai que suban en 36 persoas os casos activos, pasando de 510 a 546. Incidencia: Casos por 100.000 habitantes nos últimos 14 días nos concellos do Salnés:

Cambados 43 313 Illa de Arousa 31 629 Meaño 3 57 Meis 11 230 O Grove 3 28 Ribadumia 3 59 Sanxenxo 3 17 Vilagarcía de Arousa 91 243 Vilanova de Arousa 38 369 Continúa aumentando a incidencia en Pontevedra cidade, que se achega aos 200, mentres que na zona do Salnés segue disparándose: Cambados ten 313, Vilanova de Arousa 369, A Illa máis de 500 e Vilagarcía de Arousa 243. O número de pacientes hospitalizados sobe de 14 a 15 persoas, distribuídas en 12 pacientes no CHU de Pontevedra (6 en planta e 6 na UCI), 3 en planta no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.983 casos de coronavirus, con 181 falecementos, 14.256 altas e 546 casos activos nestes momentos.