SO A ILLA, VILAGARCÍA E VILANOVA MANTEÑEN POSITIVOS NAS SUAS AULAS

Descenden a 34 os casos activos na comunidade educativa da área sanitaria

Os casos activos de coronavirus que afectan a centros educativos da área sanitaria de Pontevedra e O Salnés seguen en descenso. Os datos actualizados este venres pola Xunta revelan que son 34, tres menos que no balance da anterior xornada. O colexio tocado por máis positivos segue sendo o Ceip Manuel Padín Truiteiro de Soutomaior, con cinco. Alí está tamén a única aula pechada polo virus na área. No conxunto de Galicia, os casos activos de covid-19 nos centros educativos non universitarios descenderon a 282, que son 12 menos que a xornada anterior, mentres que continúan catro aulas non operativas, as mesmas que o xoves. Como novidade, hai un centro pechado, o PAI de Tordoia. As infeccións activas en centros educativos descenden nas áreas de Santiago (-6), Vigo (-5), Pontevedra (-3), Ourense (-1) e Lugo (-1), mentres que soben nas da Coruña (+3) e Ferrol (+1). A área de Vigo mantense á cabeza con 91 casos activos e dúas aulas pechadas. Nela está o centro afectado por máis positivos de Galicia, o CEIP Seis do Nadal, con seis.

Baixan a 282 os casos activos de covid en centros educativos galegos e mantéñense catro aulas pechadas A continuación, na área da Coruña contabilízanse 40 infeccións activas, tres máis, e segue sen haber aulas pechadas. Séguea Santiago con 34 casos activos, e xa sen aulas pechadas tras a reapertura dunha unidade na escola infantil de Vos Tilos. Nesa zona está, con todo, o centro que se clausurou: a escola infantil de Tordoia, debido a un positivo. Tamén na área de Pontevedra hai 34 infeccións activas e mantén unha aula inoperativa, no CEIP Manuel Padín Truiteiro de Soutomaior. Ten a mesma cifra de positivos Lugo, que segue sen aulas non operativas.  

Con menos casos mantéñense as áreas de Ourense e Ferrol. Na primeira, sen unidades pechadas, están activos 28 positivos, e na ferrolá son 21 os positivos. Alí hai como novidade con respecto á xornada anterior unha aula pechada, no CPR Tirso de Molina.