PONTEVEDRA-SALNÉS: REMATA A SEMANA CON DATOS DE RÉCORD

Coronavirus Pontevedra-Salnés: 5  contaxios novos e baixan a 212 os casos activos

A área sanitaria pontevedresa termina a semana con 64 casos activos menos que o domingo pasado.

A área sanitaria de Pontevedra e O Salnés continúa restando casos de coronavirus e hoxe son 10 menos, grazas sobre todo a que os  contaxios están a manterse moi baixos. Soutomaior é o único municipio da área sanitaria que está a aumentar claramente en incidencia.

Nas últimas 24 horas producíronse 5  contaxios novos e 15 altas, o que fai que descendan en 10 os casos activos, de 222 a 212 persoas.

Incidencia: Casos por 100.000 habitantes nos últimos 14 días nos concellos do Salnés:

Cambados                               3 22

Illa de Arousa                       3 61

Meaño                               3 57

Meis                                       3 63

O Grove                               0   0

Ribadumia                               3 59

Sanxenxo                               3 17

Vilagarcía de Arousa             19 51

Vilanova de Arousa               3 29

Descende de novo a incidencia en Pontevedra e continúa moi baixa en toda a zona, menos en Soutomaior, onde se rexistraron 14 infectados nos últimos 7 días. Cambados mantén os mesmos casos activos que onte, 7. Na comarca do Salnés baixan todos os  concellos, ou se manteñen como é o caso de Cambados.

O número de pacientes hospitalizados mantense en 15 persoas, distribuídas en 13 pacientes no  CHU de Pontevedra (11 en planta e 2 na UCI), 2 no Hospital Público  do Salnés e ningún no  Quirónsalud Miguel Domínguez.

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.321 casos de coronavirus, con 181 falecementos, 13.928 altas e 212 casos activos nestes momentos.