PONTEVEDRA-SALNÉS: MELLOR CIFRA ANUAL DE ENFERMOS

-Coronavirus Pontevedra-Salnés: 9 contaxios novos e baixan a 116 os casos activos. -Novo mínimo anual na área sanitaria pontevedresa, aínda que en Pontevedra e Poio seguen aumentando os contaxios. A área sanitaria de Pontevedra mellora de novo e chega a un novo mínimo de casos activos neste ano 2021. A situación hospitalaria mantense estable e os contaxios están a aumentar en Poio e Pontevedra cidade. Cambados baixou onte de 6 a 5 enfermos activos e mantenos hoxe. Nas últimas 24 horas producíronse 9 contaxios novos e 16 altas, o que fai que baixen en 7 persoas os casos activos, pasando de 123 a 116.

Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 0 0 O Grove 0 0 Ribadumia 3 59 Sanxenxo 3 17 Vilagarcía de Arousa 17 45 Vilanova de Arousa 3 29 Sobe a incidencia en Pontevedra cidade, especialmente nos últimos 7 días, con 20 contaxios, fronte aos 27 das últimas dúas semanas. O número de pacientes hospitalizados mantense en 7 persoas, distribuídas en 7 pacientes no CHU de Pontevedra (6 en planta e 1 na UCI), ningún no Hospital Público do Salnés e ningún no Quirónsalud Miguel Domínguez.

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.446 casos de coronavirus, con 181 falecementos, 14.149 altas e 116 casos activos nestes momentos.