PONTEVEDRA-SALNÉS: LEVE EMPEORAMENTO

Coronavirus Pontevedra-Salnés: 10 novos infectados e soben a 128 os casos activos

A área sanitaria pontevedresa empeora levemente debido a un aumento de contaxios, pero mantense con menos casos que o martes pasado. A área sanitaria pontevedresa empeora hoxe levemente ao sumar 1 caso activo debido ao aumento de contaxios, pero mantense moito mellor que o martes pasado. Nas últimas 24 horas producíronse 10 contaxios novos e 9 altas, o que fai que suban en 1 persoa os casos activos, pasando de 127 a 128. Incidencia: Casos por 100.000 habitantes nos últimos 14 días en concellos do Salnés: Cambados 3 22 Illa de Arousa 3 61 Meaño 3 57 Meis 0 0 O Grove 0 0 Ribadumia 3 59 Sanxenxo 3 17 Vilagarcía de Arousa 15 40 Vilanova de Arousa 3 29 Continúa baixando a incidencia de Pontevedra cidade e agora é a menos afectada de Galicia. Nos últimos 7 días rexistrou soamente 10 contaxios. O número de pacientes hospitalizados sobe de 7 a 9 persoas, distribuídas en 6 pacientes no CHU de Pontevedra (5 en planta e 2 na UCI), 1 no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.376 casos de coronavirus, con 181 falecementos, 14.067 altas e 128 casos activos nestes momentos.