PONTEVEDRA-SALNÉS: BAIXA DA BARREIRA DOS 150 ACTIVOS

Coronavirus Pontevedra: 4 novos infectados e baixan a 132 os casos activos

A área sanitaria de Pontevedra segue restando casos activos e termina a semana con 80 menos que o domingo pasado. A área sanitaria pontevedresa segue mellorando rapidamente e mantendo un moi baixo número de contaxios. A área termina a semana con 80 infectados menos que o domingo pasado e con soamente 43 contaxios nesta semana, menos que os 65 da anterior. Nas últimas 24 horas producíronse 4 contaxios novos e 20 altas, o que fai que baixen en 16 persoas os casos activos, pasando de 148 a 132. Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 0 0 O Grove 0 0 Ribadumia 3 59 Sanxenxo 3 17 Vilagarcía de Arousa 15 40 Vilanova de Arousa 3 29 Segue baixando a incidencia en Pontevedra cidade e soamente a capital provincial e Soutomaior rexistran máis de 10 contaxios nas últimas dúas semanas. Cambados volve baixar e sitúase con 7 casos, un menos que en días anteriores. O número de pacientes hospitalizados mantense en 8 persoas, distribuídas en 7 pacientes no CHU de Pontevedra (5 en planta e 2 na UCI), 1 no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.364 casos de coronavirus, con 181 falecementos, 14.051 altas e 132 casos activos nestes momentos.