CORONAVIRUS GALICIA: BAIXAN OS ACTIVOS, MOITAS ALTAS POUCAS PCR´s

Coronavirus Galicia: 108 contaxios novos e baixan a 2.223 os casos activos

Novo descenso de casos activos e poucos contaxios (procedentes de moi poucas probas PCR). Todas as áreas sanitarias melloran menos Santiago. Continúan baixando os casos activos en Galicia e hoxe marcan un novo mínimo desde o verán do ano pasado grazas ao elevado número de altas que se deron e a unha cifra de contaxios máis baixa que a dos últimos días. Este último dato está moi condicionado pola pouca cantidade de probas PCR que se fixeron o Xoves Santo (só 2.222), e o mesmo podemos esperar dos datos de mañá (proceden das probas de Venres Santo) e de luns e martes. Grazas á gran cantidade de altas que se deron hoxe melloran todas as áreas sanitarias galegas excepto Santiago de Compostela, pero aínda que os hospitalizados volven descender produciuse un cambio que é unha moi mala noticia: o número de pacientes hospitalizados de hoxe sábado é superior en 6 persoas ao do sábado pasado. Haberá que ver que pasa despois da semana santa e como evolucionan tanto as cifras de contaxios como as de activos e ingresados. As áreas sanitarias máis afectadas seguen sendo A Coruña e Vigo. A área herculina resta hoxe 33 infectados e baixa ata 719, con 23 contaxios. Supón nestes momentos o 32,3% de todos os casos de Galicia, e o 37,6% dos hospitalizados. Vigo resta 16 infectados ata os 605 casos activos e mellora por segundo día consecutivo. Estes son os datos máis relevantes de hoxe: Os contaxios novos baixan respecto a onte (de 154 a 108) e están por baixo dos 152 do sábado pasado. Este descenso de 44 contaxios nunha semana supón un 29% menos. A Coruña segue sendo a cidade galega máis afectada en incidencia, pero a que máis contaxios rexistra nos últimos 7 días é Vigo. Os casos activos han descendido de 2.306 a 2.223, unha baixada de 83 infectados máis, que supoñen un descenso do 3,6%. Descenden en 2 persoas os hospitalizados, pero hai 6 persoas máis ingresadas que o sábado pasado. A incidencia a 14 días baixa de 68 a 66, menos dunha décima parte do máximo de 769 do domingo 31 de xaneiro. A incidencia a 7 días baixa de 36 a 34. Hoxe sábado son 44 diagnósticos menos que o pasado sábado 27 de marzo, procedendo dun número de probas algo superior. Os 108 casos novos de hoxe son o 4,86% de diagnósticos positivos de 2.222 probas PCR, mentres que os 152 do sábado pasado eran o 2,56% de positivos de 5.929 tests. Na web de datos do Sergas di que nas últimas 24 horas confirmáronse 90 casos de COVID-19 por PCR, pero a diferenza entre o total de infectados desde o inicio da pandemia de hoxe (117.445) e o de onte (117.337) é de 108 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 108 novos casos de SARS- CoV-2, ningún falecemento e 191 altas, o que fai que descendan en 83 persoas os casos de coronavirus, pasando dos 2.306 de onte aos 2.223 de hoxe. O total de hospitalizados baixa en 2 persoas, de 212 a 210 pacientes. O pasado sábado eran 204 hospitalizados, 6 menos que hoxe. O total de casos de coronavirus contabilizados polo Sergas desde o inicio da pandemia é de 117.445. Todas as áreas sanitarias melloran, menos Santiago Hoxe melloran todas as áreas sanitarias de Galicia menos a de Santiago de Compostela. A máis afectada é a área da Coruña, con 719 casos activos (-33), seguida de Vigo con 606 (-16), Santiago con 283 (+9), Pontevedra con 230 (-8), Ourense con 144 (-7), Lugo con 139 (-23) e Ferrol con 103 (-5). A Coruña segue sendo a cidade máis afectada de Galicia con 126 novos contaxios por 100.000 habitantes nas últimas dúas semanas. Incidencia nas cidades A Coruña: 126 (-2) Ferrol: 56 (-2) Lugo: 36 (=) Ourense: 29 (=) Pontevedra: 58 (=) Santiago: 69 (-4) Vigo: 106 (+1) Novos contaxios por área sanitaria A Coruña: 23 Ferrol: 3 Lugo: 3 Ourense: 7 Pontevedra: 24 Santiago: 21 Vigo: 27 Total: 108 O total de falecementos desde o inicio da pandemia mantense en 2.344 persoas, ningunha máis nas últimas 24 horas, e son 1.725 desde a nova normalidade, superando os 619 da primeira onda. O total de hospitalizados é de 210 (-2), divididos en 30 (=) na UCI e 180 (-2) en unidades de hospitalización. O total de probas PCR realizadas é de 1.866.088, delas 2.222 nas últimas 24 horas, cun 4,86% de positivos. Esta semana continúa peor que a anterior, sumando 809 contaxios en luns, martes, mércores, xoves, venres e sábado, fronte a 755 a semana pasada. As últimas semanas terminaron con 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.