PONTEVEDRA-SALNÉS: MELLORA SANXENXO, EMPEORA O GROVE E O RESTO ESTABLE

Coronavirus Pontevedra-Salnés: 24 contaxios novos e baixan a 230 os casos activos A área sanitaria pontevedresa resta 8 casos activos pero O Grove continúa sumando contaxios e incidencia. A área sanitaria de Pontevedra e O Salnés mellora hoxe a súa situación e resta 8 casos activos pese ao elevado número de contaxios (24 máis). A situación na zona permanece relativamente estable e unicamente chaman a atención Sanxenxo e, especialmente nos últimos días, O Grove. Cambados suma 2 casos máis ata 11. Nas últimas 24 horas producíronse 24 contaxios novos e 32 altas, o que fai que baixen en 8 os casos activos, pasando dos 238 de onte aos 230 de hoxe. Incidencia: Casos por 100.000 habitantes nos últimos 14 días nos concellos do Salnés

Cambados 3 22

Illa de Arousa                                3 61

Lalín 11 54

Meaño 3 57

Meis 3 63

O Grove 29 272

Ribadumia 0 0

Sanxenxo 38 219

Vilagarcía de Arousa 11 29

Vilanova de Arousa 3 29

Descende a incidencia en Sanxenxo e segue crecendo no Grove, que xa é o municipio máis afectado de toda a provincia de Pontevedra. O número de pacientes hospitalizados mantense en 20 persoas, distribuídas en 18 pacientes no CHU de Pontevedra (17 en planta e 1 na UCI), 1 no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés Na área sanitaria de Pontevedra-O Salnés inclúense as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 12.827 casos de coronavirus, con 164 falecementos, 12.433 altas e 230 casos activos nestes momentos
.