PONTEVEDRA-SALNÉS: UN NOVO FALECIDO E BAIXAN CONTAXIOS E OS ENFERMOS ACTIVOS

Coronavirus Pontevedra-Salnés: 19 contaxios novos e baixan a 632 os casos activos

A área sanitaria pontevedresa segue rexistrando cada vez menos contaxios e casos activos. Continúa mellorando aos poucos a área sanitaria de Pontevedra e O Salnés, que volve restar medio centenar de casos activos e segue retrocedendo no tempo ata outono, antes das dúas últimas ondas. Os 19 contaxios de hoxe son moitos menos que os 54 do xoves pasado. Nas últimas 24 horas producíronse 19 novas infeccións, 1 falecemento (un home de 72 anos, no complexo hospitalario de Pontevedra -CHOP-). e 69 altas, o que fai que baixen en 51 os casos activos, pasando de 683 a 632. Incidencia: Casos por 100.000 habitantes nos últimos 14 días nos concellos do Salnés Cambados 3 22 Illa de Arousa 3 61 Meaño 3 57 Meis 3 63 O Grove 24 225 Ribadumia 0 0 Sanxenxo 43 248 Vilagarcía de Arousa 11 29 Vilanova de Arousa 3 29 De novo descende a incidencia en Pontevedra cidade, que chega a mínimos dos últimos meses, mentres que baixa tamén en Marín e aumenta lixeiramente en Poio e Sanxenxo. Soutomaior é os único municipios da área pontevedresa que terá restricións extremas, mentres que Cambados sobe un caso polo que hoxe hai 9 casos activos. O número de pacientes hospitalizados baixa de 50 a 43 persoas, distribuídas en 38 pacientes no CHU de Pontevedra (27 en planta e 11 na UCI), 5 no Hospital Público do Salnés e ningún no Quirónsalud Miguel Domínguez. Na área sanitaria de Pontevedra-O Salnés que inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo desde o inicio da pandemia contabilízanse 12.436 casos de coronavirus, con 156 falecementos, 11.648 altas e 632 casos activos nestes momentos.