PONTEVEDRA-SALNÉS: SIGUE O DESCENSO DE CASOS

Coronavirus Pontevedra-Salnés: 10 contagios novos e baixan a 209 os casos activos

A área sanitaria mellora a súa situación, pero a situación segue complicándose en Sanxenxo. A área sanitaria de Pontevedra e O Salnés mellora a súa situación e resta casos activos e un hospitalizado, pero ten un gran protagonista, Sanxenxo, que continúa empeorando en incidencia. A partir do venres terá restricións de nivel alto. Nas últimas 24 horas producíronse 10 contagios novos e 16 altas, o que fai que baixen en 6 os casos activos, pasando de 215 a 209. Incidencia: Casos por 100.000 habitantes nos últimos 14 días nos concellos do Salnés Cambados 3 22 Illa de Arousa 0 0 Meaño 3 57 Meis 0 0 O Grove 3 28 Ribadumia 0 0 Sanxenxo 35 202 Vilagarcía de Arousa 3 8 Vilanova de Arousa 3 29 A incidencia en Sanxenxo continúa aumentando e xa é un dos municipios máis afectados de Galicia, mentres esta baixa en Pontevedra e Marín. No resto da área sanitaria só Soutomaior ten máis de 100 de incidencia. Cambados volvé a bailar, 10 casos activos. Un menos que no día de onte.

OO número de pacientes hospitalizados baixa de 18 a 17 persoas, distribuídas en 17 pacientes no CHU de Pontevedra (12 en planta e 4 na UCI), 1 no Hospital Público do Salnés e ningún no Quirónsalud Miguel Domínguez. Na área sanitaria de Pontevedra-O Salnés, que inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo, desde o inicio da pandemia tivo 12.670 casos de coronavirus, con 161 falecementos, 12.300 altas e 209 casos activos nestes momentos.