CORONAVIRUS GALICIA: DESCENSO DE ACTIVOS E HOSPITALIZADOS

Coronavirus Galicia: 133 contaxios novos e baixan a 2.447 os casos activos

Galicia volve restar casos activos de COVID-19 e hospitalizados, e ningunha área sanitaria empeora hoxe. Volven baixar os casos activos de coronavirus en Galicia despois do leve aumento de onte, e a situación continúa en "meseta", cunha tendencia lixeiramente á baixa, e un número de contaxios que é similar ao da semana pasada. Tras estes tres días de datos marcados pola baixa cantidade de probas PCR realizadas, hoxe os contaxios volven aumentar, pero mantéñense un pouco por baixo dos 148 da semana pasada. A boa noticia é que os hospitalizados continúan descendendo, e hoxe son 12 menos que onte e 56 menos que fai sete días. Nestes momentos hai 198 persoas en planta e 39 en UCI, números que non se vían desde o mes de outubro. As áreas sanitarias máis afectadas seguen sendo A Coruña e Vigo. A área herculina resta 21 infectados e baixa ata 934, con 39 infectados. Supón nestes momentos o 38,2% de todos os casos de Galicia, e o 35,9% dos hospitalizados. Vigo mantense con 501 casos activos e hoxe é a área con máis contaxios da comunidade, con 47. Estes son os datos máis relevantes de hoxe: Os contaxios novos soben respecto a onte (de 90 a 133) e están por baixo dos 148 do martes pasado. Este descenso de 15 contaxios nunha semana supón un 10,2% menos. Os casos activos han descendido de 2.490 a 2.447, unha baixada de 43 infectados máis, que supoñen un descenso do 1,7%. Descenden en 12 persoas os hospitalizados e a diferenza coa semana pasada é de 56 persoas. A incidencia a 14 días baixa de 76 a 75, menos dunha décima parte do máximo de 769 do domingo 31 de xaneiro. A incidencia a 7 días baixa de 35 a 34. Hoxe mércores son 15 diagnósticos menos que o pasado mércores 17 de marzo, procedendo dun número de probas algo inferior. Os 133 casos novos de hoxe son o 2,08% de diagnósticos positivos de 6.380 probas PCR, mentres que os 148 do martes pasado eran o 2,28% de positivos de 6.489 tests. Na web de datos do Sergas di que nas últimas 24 horas confirmáronse 124 casos de COVID-19 por PCR, pero a diferenza entre o total de infectados desde o inicio da pandemia de hoxe (116.085) e o de onte (115.952) é de 133 persoas. Do mesmo xeito, os novos contaxios por área sanitaria calculámolos co mesmo procedemento. Nas últimas 24 horas rexistráronse en Galicia 133 novos casos de SARS- CoV-2, 4 falecementos e 172 altas, o que fai que descendan en 43 persoas os casos de coronavirus, pasando dos 2.490 de onte aos 2.447 de hoxe. O total de hospitalizados baixa en 12 persoas, de 249 a 237 pacientes. O pasado mércores eran 293 hospitalizados, 56 máis que hoxe. O total de casos de coronavirus contabilizados polo Sergas desde o inicio da pandemia é de 116.085. Ningunha área sanitaria empeora Hoxe melloran cinco áreas sanitarias e outras dúas mantéñense sen cambios, ao igualarse o número de contaxios co de altas e falecementos. A máis afectada é a área da Coruña, con 934 casos activos (-21), seguida de Vigo con 501 (=), Santiago con 272 (-4), Pontevedra con 209 (-6), Ferrol con 189 (-6), Lugo con 182 (-6), e Ourense con 160 (=). A Coruña segue sendo a cidade máis afectada de Galicia con 156 novos contaxios por 100.000 habitantes nas últimas dúas semanas. Incidencia nas cidades A Coruña: 156 (-6) Ferrol: 91 (=) Lugo: 32 (-2) Ourense: 32 (+3) Pontevedra: 48 (-4) Santiago: 59 (+2) Vigo: 94 (+4)

Novos contaxios por área sanitaria A Coruña: 39 Ferrol: 11 Lugo: 5 Ourense: 7 Pontevedra: 10 Santiago: 14 Vigo: 47 Total: 133

O total de falecementos desde o inicio da pandemia alcanza as 2.325 persoas, 4 máis nas últimas 24 horas, e son xa 1.706 desde a nova normalidade, superando os 619 da primeira onda da pandemia. O total de hospitalizados é de 237 (-12), divididos en 39 (-7) na UCI e 198 (-5) en unidades de hospitalización. O total de probas PCR realizadas é de 1.811.822, delas 6.380 nas últimas 24 horas, cun 2,08% de positivos. Esta semana continúa algo mellor que a anterior, con 326 contaxios sumando luns e martes, fronte aos 383 da semana pasada. As últimas semanas terminaron con 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.