FÁTIMA ABAL, MEDALLA A LEALDADE COAS VÍTIMAS DO TERRORISMO

Con motivo do Día Europeo das Vítimas do Terrorismo o próximo 11 de marzo e a proposta do representante da asociación en Galicia, D. Antonio Javier Porras Gómez, e tras o oportuno expediente, propúxose a Fátima Abal para a concesión da “Cruz da Lealdade ás Vítimas do Terrorismo”.

Unha vez resolto o mesmo, a Xunta Directiva da Asociación tivo a ben concederlle a “Cruz da Lealdade ás Vítimas do Terrorismo” motivado polo seu traballo profesional e persoal en defensa das vítimas do terrorismo, o seu apoio e agarimo incondicional a este colectivo e ás súas familias. Esta consideración que consiste nunha medalla conmemorativa, seralle entregada nun acto que se celebrará o sábado 10 de abril, no Pazo Quinteiro da Cruz, sempre respectando as restricións e normativa aplicada á situación Covid-19 e que lle será notificada data e lugar oportunamente.