MÁIS DATOS SOBRE A "VISITA" DE LEOPOLDO LÓPEZ A CAMBADOS

A Xunta aínda non recibiu a denuncia formulada pola Policía Local de Cambados contra o líder opositor venezolano Leopoldo López por saltarse o peche perimetral.

Diso informan fontes do Goberno galego, despois de que o pasado martes a Policía Local de Cambados incoase un expediente de sanción contra Leopoldo López, a súa muller, Lilian Tintori, e outra parella ( o ex embaixador de España en Venezuela, segundo fontes oficiosas) que se atopaban nunha terraza dunha céntrica praza do municipio. A Policía Local incoa este expediente sancionador que se remite á Xunta de Galicia, que decidirá agora sobre se se multa ou non a Leopoldo López e ao resto de persoas que se atopaban con el neste municipio, quen achegou un documento xustificativo para poder desprazarse. Leopoldo López afirmou que a súa viaxe a Galicia débese a reunións con "compatriotas exiliados e vítimas da ditadura de Maduro". "Non me consta que fose multado nin incumprido ningunha norma", asegura nunha mensaxe a través da súa conta oficial de Twitter. Pola súa banda, o presidente da Federación Venezolana de Galicia ( Fevega), Manuel Pérez Vidal, explica, en declaracións a prensa, que esta agrupación de diferentes asociacións de venezolanos non mantivo ata a data "ningún" contacto con Leopoldo López na súa viaxe á comunidade galega. Leopoldo López vive en Madrid coa súa familia. Actualmente, existe un peche perimetral entre comunidades en España como medida contra a pandemia. Quen acompañaba ao opositor chavista na súa visita era o sevillano Jesús Silva Fernández, o exembaix


ador de España en Venezuela que deu refuxio a López na embaixada de Caracas e foi destituído en novembro, despois de que o político venezolano conseguise escapar a Colombia, desde onde voou a Madrid. Silva posúe un chalé na polémica urbanización de Raeiros, practicamente a pé de praia, soada no Grove por pender sobre ela unha orde de demolición.

https://www.abc.es/internacional/abci-jesus-silva-termina-funciones-como-embajador-caracas-y-regresa-madrid-202011082353_noticia.html

https://www.lavozdegalicia.es/noticia/pontevedra/2021/03/02/exembajador-venezuela-adquirio-chales-orden-demolicion-raeiros/0003_202103P2C4991.htm