DOUS DETIDOS POLO TIROTEO DO DOMINGO EN VILANOVA

-Un home, en prisión provisional, e unha muller, que xa foi posta en liberdade este martes, foron detidos pola Garda Civil en relación co tiroteo ocorrido o pasado domingo en Vilanova de Arousa. -A Benemérita apunta a asuntos relacionados co narcotráfico como causantes do tiroteo, que afortunadamente se saldou sen feridos. A Garda Civil detivo a un home e unha muller en relación ao tiroteo rexistrado na noite do pasado domingo no municipio pontevedrés de Vilanova de Arousa, no que non houbo persoas feridas. Así o confirmaron fontes da Garda Civil, que indicaron que foron arrestados un home e unha muller da zona onde sucederon os feitos. En concreto, fontes xudiciais confirmaron que pasou o martes ao dispor do Xulgado de Instrución número 2 de Vilagarcía, en funcións de garda, o home detido xa que a muller foi posta en liberdade pola Garda Civil. O xulgado acordou prisión provisional eludible co pago dunha fianza de 30.000 euros que ingresou este mércores pola mañá, polo que quedará en liberdade esta xornada. O home está investigado por un delito de homicidio en grao de tentativa. DISPAROS A VIVENDA Fuentes próximas á investigación apuntaron que o tiroteo pode estar relacionado co ámbito do narcotráfico. Os feitos sucederon sobre as 22,40 horas deste pasado domingo cando o Instituto Armado tivo coñecemento deste tiroteo. Este tiroteo sen feridos tivo lugar de noite nunha rúa da localidade de Vilanova de Arousa "cara a unha vivenda", debido ao que a Benemérita abriu unha investigación para esclarecer o sucedido, que levou á detención destas dúas persoas.