CORONAVIRUS GALICIA: TRAS CATRO DÍAS DE SUBA, BAIXAN OS ENFERMOS ACTIVOS

Coronavirus Galicia: 138 contaxios novos e baixan a 2.340 os casos activos Galicia volve restar casos activos e rexistra menos contaxios que o xoves pasado, pero suma hospitalizados. Noticias relativamente boas sobre a evolución do coronavirus en Galicia, cun novo descenso de casos activos e un número de contaxios que volve ser inferior ao de fai sete días tras catro días seguidos de crecemento. A semana continúa progresando peor que a anterior (547 fronte a 488 contaxios nos catro primeiros días), pero a diferenza acúrtase. Os datos de incidencia en Galicia continúan moi estables (o dato a 14 días é exactamente igual que onte), pero na comunidade a tendencia é que a parte sur vai empeorando (Vigo especialmente) mentres a parte norte aínda continúa mellorando (A Coruña e Ferrol principalmente). Onte non se rexistraron novos falecementos por segunda vez nesta mesma semana. A mala noticia de hoxe é que a situación hospitalaria empeora, algo raro en xoves, sumando dous hospitalizados máis que onte, aínda que restando outros dous na UCI. O aumento de hospitalizados produciuse principalmente na área viguesa. As áreas sanitarias máis afectadas seguen sendo A Coruña e Vigo. A área herculina resta hoxe 8 infectados e baixa ata 783, con 41 contaxios. Supón nestes momentos o 33,5% de todos os casos de Galicia, e o 35,6% dos hospitalizados. Vigo suma 8 infectados ata os 627 casos activos e continúa empeorando. Estes son os datos máis relevantes de hoxe: Os contaxios novos baixan respecto a onte (de 169 a 138) e están por baixo dos 162 do xoves pasado. Este descenso de 24 contaxios nunha semana supón un 15% menos. A Coruña segue sendo a cidade galega máis afectada en incidencia, pero a que máis contaxios rexistra nos últimos 7 días é Vigo. Os casos activos han descendido de 2.354 a 2.340, unha baixada de 14 infectados máis, que supoñen un descenso do 0,6%. Aumentan en 2 persoas os hospitalizados e a diferenza coa semana pasada é de 24 persoas. A incidencia a 14 días mantense en 70, menos dunha décima parte do máximo de 769 do domingo 31 de xaneiro. A incidencia a 7 días baixa de 36 a 35. Hoxe xoves son 24 diagnósticos menos que o pasado xoves 25 de marzo, procedendo dun número de probas algo superior. Os 138 casos novos de hoxe son o 2,11% de diagnósticos positivos de 6.531 probas PCR, mentres que os 162 do xoves pasado eran o 2,73% de positivos de 5.929 tests. Na web de datos do Sergas di que nas últimas 24 horas confirmáronse 120 casos de COVID-19 por PCR, pero a diferenza entre o total de infectados desde o inicio da pandemia de hoxe (117.183) e o de onte (117.045) é de 138 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 138 novos casos de SARS- CoV-2, ningún falecemento e 152 altas, o que fai que descendan en 14 persoas os casos de coronavirus, pasando dos 2.354 de onte aos 2.340 de hoxe. O total de hospitalizados sobe en 2 persoas, de 197 a 199 pacientes. O pasado xoves eran 223 hospitalizados, 24 máis que hoxe. O total de casos de coronavirus contabilizados polo Sergas desde o inicio da pandemia é de 117.183. A Coruña, Ferrol e Ourense melloran Hoxe melloran as áreas da Coruña, Ferrol e Ourense. A máis afectada é a área da Coruña, con 783 casos activos (-8), seguida de Vigo con 627 (+8), Santiago con 270 (+2), Pontevedra con 229 (-2), Lugo con 169 (=), Ourense con 142 (-3) e Ferrol con 120 (-11). A Coruña segue sendo a cidade máis afectada de Galicia con 130 novos infectados por 100.000 habitantes nas últimas dúas semanas. Incidencia nas cidades A Coruña: 130 (-2) Ferrol: 64 (-7) Lugo: 37 (+5) Ourense: 27 (+4) Pontevedra: 57 (-2) Santiago: 69 (=) Vigo: 106 (-1) Novos contaxios por área sanitaria A Coruña: 41 Ferrol: 3 Lugo: 10 Ourense: 6 Pontevedra: 19 Santiago: 12 Vigo: 47 Total: 138 O total de falecementos desde o inicio da pandemia mantense en 2.342 persoas, ningunha máis nas últimas 24 horas, e son 1.723 desde a nova normalidade, superando os 619 da primeira onda. O total de hospitalizados é de 199 (+2), divididos en 28 (-2) na UCI e 171 (+4) en unidades de hospitalización. O total de probas PCR realizadas é de 1.858.417, delas 6.531nas últimas 24 horas, cun 2,11% de positivos.  

Esta semana continúa algo peor que a anterior, sumando 547 contaxios en luns, martes, mércores e xoves, fronte a 488 a semana pasada. As últimas semanas terminaron con 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.