SEGUE MELLORANDO A AREA PONTEVEDRA-SALNES. CAMBADOS BAIXA DOS 40 CASOS

Coronavirus Pontevedra: 48 contaxios novos e baixan a 871 os casos activos

Mellora un día máis a área sanitaria de Pontevedra e O Salnés, que só ten tres municipios por encima de 300 de incidencia. Segue a mellora na área sanitaria de Pontevedra e O Salnés, onde as altas seguen sendo superiores aos contaxios, a pesar de que estes se manteñen máis ou menos igual que a semana anterior, e hoxe superiores aos 42 do mércores pasado. Nas últimas 24 horas producíronse 48 contaxios novos, 3 falecementos (estes falecementos rexistráronse no Complexo Hospitalario Universitario de Pontevedra (CHOP). Trátase dun home de 70 anos, e de dúas mulleres de 81 e 97 anos, ambas as procedentes da residencia de Vilaboa) e 73 altas, o que fai que baixen en 28 persoas os casos activos, pasando dos 899 de onte a 871 hoxe. A incidencia na área sanitaria continúa baixando progresivamente e só está por encima de 300 en Meaño e O Grove, ademais de Vilaboa, onde se produciu o rebrote dunha residencia de anciáns. A de Pontevedra e Vilagarcía é de 220 e 235 respectivamente. Cambados pasa de 41 a 36 caos en ten unha incidencia acumulada a 14 días de 189 e a 7 días de 109 por cada 100.000 habitantes.

O número de pacientes hospitalizados sobe de 49 a 50 persoas, distribuídos en 43 pacientes no CHU de Pontevedra (34 en planta e 9 na UCI), 4 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 5.831 casos de coronavirus, con 65 falecementos, 4.895 altas e 871 casos activos nestes momentos.