PONTEVEDRA-SALNÉS: LEVE MELLORÍA

Coronavirus Pontevedra: 61 contaxios novos e baixan a 865 os casos activos A área sanitaria pontevedresa varía levemente á baixa e segue tendo no Grove, A Illa e Bueu as zonas de maior incidencia. Volven baixar os casos activos na área sanitaria de Pontevedra e O Salnés, pero cunha moi leve variación respecto a onte, soamente dúas menos. Do mesmo xeito que hai unhas semanas Pontevedra parecía instalarse nos 1.200 e pico casos, leva o últimos nove días en cifras similares, ao redor dos 800-900 infectados activos. Nas últimas 24 horas producíronse 61 contaxios novos e 65 altas, o que fai que baixen en 4 os casos activos, pasando de 869 a 865. A incidencia segue aumentando na Illa de Arousa e Bueu, recentemente confinadas, e volve subir no Grove. A área pontevedresa mantense igual salvo Poio, que experimenta un gran aumento. Cambados ten 38 casos activos. O número de pacientes hospitalizados sobe de 52 a 53 persoas, distribuídos en 40 pacientes no CHU de Pontevedra (31 en planta e 9 na UCI), 10 no Hospital Público do Salnés e 3 no Quirónsalud de Pontevedra. A área sanitaria de Pontevedra-O Salnés desde o inicio da pandemia tivo 6.281 casos de coronavirus, con 72 falecementos, 5.344 altas e 865 casos activos nestes momentos.