MAL INICIO DE SEMANA EN GALICIA CON REPUNTE DE POSITIVOS

Coronavirus Galicia: 371 contagios novos e soben a 5.560 os casos activos

97 contaxios máis que o luns pasado, e Galicia volve subir en casos activos tras 18 días seguidos baixando. Moi malas noticias para Galicia, que rexistra máis contaxios que o luns pasado e por primeira vez en 18 días aumenta en casos activos. Novos puntos quentes da comunidade como Fisterra ou Illa de Arousa, o crecemento de focos como Boiro, As Pontes ou Santa Comba ou o aumento de casos nas cidades fixeron que o número de infectados ascenda por primeira vez en case un mes. Case todas as cidades galegas aumentan hoxe a súa incidencia, e isto fixo que A Coruña, que segue confinada perimetralmente, sexa a cidade menos afectada nestes momentos. A capital herculina aumenta a súa incidencia de 117 a 120, pero Santiago faio ata 123 e Ourense xa está en 136. Hoxe son 97 diagnósticos máis que fai sete días, procedendo de bastantes máis probas. Os 371 casos novos de hoxe son o 4,61% de diagnósticos positivos de 8.040 probas PCR, mentres que os 274 do domingo pasado eran o 5,1% de positivos de 5.364 tests. Na web de datos do Sergas di que nas últimas 24 horas confirmáronse 323 de COVID-19 por PCR, pero a diferenza entre o total de infectados desde o inicio da pandemia de hoxe (56.832) e o de onte (56.461) é de 371 persoas. Do mesmo xeito, os novos contaxios que indicamos por área sanitaria calculámolos co mesmo procedemento. Nas últimas 24 horas rexistráronse en Galicia 371 novos casos de SARS- CoV-2, 6 falecementos e 326 altas, o que fai que suban en 39 persoas os casos de coronavirus, pasando dos 5.521 de onte aos 5.560 de hoxe. O total de hospitalizados sobe en 16 persoas, de 349 a 365 pacientes. O pasado luns eran 412 hospitalizados, 47 máis que hoxe. O total de casos de coronavirus contabilizados polo Sergas desde o inicio da pandemia é de 56.832. Ourense e Santiago seguen empeorando Coronavirus A Coruña: 65 contaxios novos e baixan a 955 os casos activos Coronavirus Ferrol: 49 contaxios novos e soben a 563 os casos activos Coronavirus Santiago: 88 contaxios novos e soben a 952 os casos activos Coronavirus Vigo: 56 contaxios novos e baixan a 1.304 os casos activos Coronavirus Pontevedra: 52 contaxios novos e baixan a 848 os casos activos Coronavirus Lugo: 20 contaxios novos e baixan a 486 os casos activos Coronavirus Ourense: 41 contaxios novos e soben a 452 os casos activos

Algunhas áreas sanitarias melloran e outras empeoran, pero destaca Santiago, que tras varios días seguidos aumentando en casos activos está a piques de ser a segunda máis afectada. A que ten máis casos activos é Vigo con 1.304 (-13), seguida da Coruña con 955 (-38), Santiago con 952 (+47), Pontevedra con 848 (-3), Ferrol con 563 (+30), Lugo con 486 (-12) e Ourense con 452 (+28). Novos contaxios por área sanitaria A Coruña: 65 Ferrol: 49 Lugo: 20 Ourense: 41 Pontevedra: 52 Santiago: 88 Vigo: 56 Total: 371 O total de falecementos desde o inicio da pandemia alcanza as 1.312 persoas, 6 máis nas últimas 24 horas, e son xa 693 nesta segunda onda, superando os 619 da primeira. O total de hospitalizados é de 365 (+16), divididos en 55 (+3) na UCI e 310 (+13) en unidades de hospitalización. O total de probas PCR realizadas é de 991.202, delas 8.040 nas últimas 24 horas, cun 4,61% de positivos. A semana pasada terminou con 10 casos máis que a anterior, 2.259 contaxios fronte a 2.249. Esta semana comezou moito peor, e os 371 de hoxe luns son 97 casos novos máis que os 274 do luns da semana pasada.