EMPEORA A SITUACIÓN NA ILLA E MANTENSE NO TOTAL DA ÁREA

Coronavirus Pontevedra: 68 contaxios novos e mantéñense en 851 os casos activos

A área sanitaria pontevedresa ten un novo problema en Illa de Arousa, que rexistra un alto número de contaxios e a maior incidencia. A área sanitaria pontevedresa "empata" hoxe co mesmo número de contaxios que de altas e falecementos, polo que se manteñen en 851 os casos activos. Ademais do concello de Illa de Arousa e o seu alto número de contaxios nos últimos días, destacan tamén os incrementos de casos en Bueu e O Grove. Cambados sobe un e alcanza os 37 enfermos. Nas últimas 24 horas producíronse 68 contaxios novos, 1 falecemento e 67 altas, o que fai que se manteñan os casos activos en 851. A área sanitaria de Pontevedra ten un novo problema: Illa de Arousa. Este municipio aumentou nos últimos días o seu número de contagios, e nestes momentos é o de maior incidencia da área sanitaria. O Grove e Sanxenxo seguen tendo datos moi altos, mentres que Pontevedra empeora lixeiramente. O número de pacientes hospitalizados baixa de 48 a 46 persoas, distribuídos en 37 pacientes no CHU de Pontevedra (29 en planta e 8 na UCI), 7 no Hospital Público do Salnés e 2 no Quirónsalud de Pontevedra. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 6.040 casos de coronavirus, con 70 falecementos, 5.119 altas e 851 casos activos nestes momentos.