GALICIA SUPERA AS 1300 MORTES NA PANDEMIA

Coronavirus: A morte de sete persoas eleva o total de falecidos en Galicia a 1.319

As vítimas tiñan entre 69 anos e 91 anos e unha delas procedía da residencia Soremay de Pontevedra A Consellería de Sanidade notificou este luns sete novas mortes de persoas con coronavirus en Galicia (todos contaban con patoloxías previas), polo que os falecementos elévanse ata un total de 1.319 desde o inicio da pandemia. En concreto, unha das persoas que perderon a vida nas últimas horas procedía dunha residencia, de Soremay de Pontevedra. O deceso deste home de 91 anos produciuse no Complexo Hospitalario de Pontevedra (CHOP). Ademais, producíronse dúas defuncións no Complexo Hospitalario Universitario da Coruña (CHUAC) de dous homes de 69 e 82 anos. O Complexo Hospitalario Universitario de Santiago de Compostela (CHUS) rexistrou o óbito dun home de 80 anos. No Complexo Hospitalario Universitario de Ourense ( CHUO) faleceu un home de 77 anos. A lista destes sete falecidos complétase cun home de 79 anos no Hospital Universitario Lucus Augusti ( HULA), así como unha muller de 82 anos no Complexo Hospitalario Universitario de Vigo ( CHUVI).