EMPEORA A SITUACIÓN POR SEGUNDO DÍA CONSECUTIVO EN GALICIA

Coronavirus Galicia: 275 contaxios novos e soben a 5.598 os casos activos

Segundo día consecutivo de aumento en Galicia, con numerosos casos novos en Santiago, Pontevedra e Vigo. Novo día de malas noticias sobre a evolución do coronavirus en Galicia, cun número de contaxios novos non demasiado elevado en comparación co martes pasado (cando foron 262), pero un incremento de 38 casos activos. Os infectados aumentan en Galicia por segundo día consecutivo despois de estar 18 xornadas baixando sen parar, e é debido ao empeoramento da situación en Santiago, Pontevedra e Vigo, sobre todo nas dúas primeiras. Outra mala noticia é que se ha estancado o descenso de pacientes hospitalizados. Despois de varias semanas baixando, hoxe son 375, tres máis que os 372 do martes pasado. Hoxe son 13 diagnósticos máis que fai sete días, procedendo de moitas máis probas. Os 275 casos novos de hoxe son o 3,42% de diagnósticos positivos de 8.032 probas PCR, mentres que os 262 do martes pasado eran o 4,66% de positivos de 5.618 tests. Na web de datos do Sergas di que nas últimas 24 horas confirmáronse 227 de COVID-19 por PCR, pero a diferenza entre o total de infectados desde o inicio da pandemia de hoxe (57.107) e o de onte (56.832) é de 275 persoas. Do mesmo xeito, os novos contaxios por área sanitaria calculámolos co mesmo procedemento. Nas últimas 24 horas rexistráronse en Galicia 275 novos casos de SARS- CoV-2, 7 falecementos e 230 altas, o que fai que suban en 38 persoas os casos de coronavirus, pasando dos 5.560 de onte aos 5.598 de hoxe. O total de hospitalizados sobe en 10 persoas, de 365 a 375 pacientes. O pasado martes eran 372 hospitalizados, 3 menos que hoxe. O total de casos de coronavirus contabilizados polo Sergas desde o inicio da pandemia é de 57.107. Santiago xa é a segunda área máis afectada Coronavirus A Coruña: 21 contaxios novos e baixan a 929 os casos activos Coronavirus Ferrol: 18 contaxios novos e baixan a 562 os casos activos Coronavirus Santiago: 78 contaxios novos e soben a 1.005 os casos activos Coronavirus Vigo: 50 contaxios novos e soben a 1.329 os casos activos Coronavirus Pontevedra: 83 contaxios novos e soben a 867 os casos activos Coronavirus Lugo: 13 contaxios novos e baixan a 470 os casos activos Coronavirus Ourense: 12 contaxios novos e baixan a 436 os casos activos Santiago de Compostela convértese na segunda área sanitaria máis afectada da comunidade tras superar á Coruña. A máis afectada segue sendo Vigo con 1.329 casos (+25), seguida de Santiago con 1.005 (+50), A Coruña con 929 (-26), Pontevedra con 867 (+19), Ferrol con 562 (-1), Lugo con 470 (-16) e Ourense con 436 (-16). Novos contaxios por área sanitaria A Coruña: 21 Ferrol: 18 Lugo: 13 Ourense: 12 Pontevedra: 83 Santiago: 78 Vigo: 50 Total: 275 O total de falecementos desde o inicio da pandemia alcanza as 1.319 persoas, 7 máis nas últimas 24 horas, e son xa 700 nesta segunda onda, superando os 619 da primeira. O total de hospitalizados é de 375 (+10), divididos en 56 (+1) na UCI e 319 (+9) en unidades de hospitalización. O total de probas PCR realizadas é de 999.234, delas 8.032 nas últimas 24 horas, cun 3,42% de positivos. Esta semana continúa avanzando con peores rexistros que a anterior. Sumando luns e martes producíronse 646 contaxios novos, en comparación cos 536 da semana pasada a estas alturas.